Arsenali merr një fitore të madhe ndaj West Hamit

Arsenali ka arritur të marr një fitore të madhe me rezultat 1-0 ndaj West Hamit në takimin e vlefshëm për ndeshjen e 29-të në Ligën Premier.

Topçinjtë kanë vazhduar serinë e fitoreve në kampionat dhe me tri pikët e radhës janë afruar edhe më shumë vendeve që dërgojnë në garat evropiane.

Pjesa e parë e ndeshjes u karakterizua me dominim të Arsenalit në posedim të topit dhe krijim të rasteve, por pa arritur të gjejnë golin.

Rasti më i mirë i këtyre 45 minutave të parë ishte ai i minutën së 22-të, kur mbrojtësi Sokratis Papasthadopoulos goditi traversën me kokë.

CROSSBAR!@Aubameyang7 hangs up a cross for @SokratisPapa5 – but the defender's powered header bounces behind off the bar

🔴 0-0 ⚒ (23)#ARSWHU pic.twitter.com/d5n0J6pFkL

— Arsenal (@Arsenal) March 7, 2020

Në pjesën e dytë, përsëri Arsenali ishte për një nuancë më i mirë, por edhe West Hami arriti të krijojë disa raste.

Goli i vetëm në këtë takim erdhi në minutën e 78-të me anë të Alexandre Lacazette, i cili shënoi nga afërsia për 1-0 pas asistimit të Mesut Ozil.

Goli i francezit fillimisht u anulua për pozitë jashtë loje, por pas rishikimit të VAR-it goli u pranua dhe doli të jetë gol i fitores së madhe të Arsenalit.

🎶 One-nil to The Arsenal! 🎶

🔴 1-0 ⚒ (FT)#ARSWHU

— Arsenal (@Arsenal) March 7, 2020

Pas kësaj fitore, Arsenali e sheh veten në pozitën e nëntë me 40 pikë apo vetëm pesë më pak se vendi i katërt, ndërsa West Hami renditet i 16-ti me 27 pikë.

Në ndeshjen e radhës, Topçinjtë luajnë në udhëtim te Manchester City, ndërsa Çekanët e presin Wolverhampton Wanderersin. /Telegrafi/  

lacazette gives arsenal the lead… #arsshu pic.twitter.com/YxE2vRPq4L

— Kobe. (@SonOfKobe) March 7, 2020