Pendarovski në takim me gjeneralin e BeH-së: Bashkëpunimi do të vazhdojë edhe si anëtarë të NATO-s

Presidenti dhe komandanti suprem i forcave të armatosura Stevo Pendarovski, sot realizoi takim me gjeneral – kolonelin Senad Mashoviq, shef i Shtabit të bashkuar të forcave të armatosura të Bosnjë e Hercegovinës, ku u këmbyen mendime dhe informata për bashkëpunimin e përgjithshëm të armatave dhe mbrojtjes mes dy vendeve dhe pjesëmarrjes së përbashkët në misione të huaja paqësore.

Presidenti Pendarovski, siç informojnë nga kabineti i tij, në takim me gjeneral-kolonelin Mashoviq biseduan edhe për mundësitë për përforcim të bashkëpunimit të ndërsjelltë në funksion të kontributit më të madh në planin bilateral dhe multilateral.

Presidenti Pendarovski, siç informojnë nga kabineti i tij, në takim me gjeneral-kolonelin Mashoviq biseduan edhe për mundësitë për përforcim të bashkëpunimit të ndërsjelltë në funksion të kontributit më të madh në planin bilateral dhe multilateral. Pendarovski theksoi se RMV edhe si anëtare e 30-të e NATO-s do të vazhdojë me bashkëpunimin e mirë në kuadër të Armatës me BeH-në.

Pendarovski, në takim gjithashtu, theksoi se është e shkëlqyeshme mundësia që pjesëtarë të Armatës sonë të trajnohen në qendrat e trajnimit në BeH, ndërsa në Akademinë ushtarake “Gjenerali Mihajllo Apostollski” në Shkup të arsimohen kadetë nga BeH, me çka trajnimi dhe arsimimi ushtarak do të kontribuojnë në zhvillimin e bashkëpunimit mes armatave./Telegrafi/