Duka i Sussex-it kërkoi të quhet “Harry”, ndërsa largon titullin mbretëror gjatë konferencës në Edinburgh

Princi Harry (35-vjeç) mori pjesë në një konferencë për projektin e tij të turizmit, Travalyst, në Edinburgh të mërkurën.

Ai themeloi koalicionin së bashku me markat përfshirë Booking.com, Skyscanner, Tripadvisor, Trip.com dhe Visa vitin e kaluar.

Para se Duka të dilte në skenë për të mbajtur një fjalim, nikoqirja Ayesha Hazarika u tha delegatëve: “Ai e bëri të qartë se ne të gjithë do e thërrasim Harry. Kështu që zonja dhe zotërinj, ju lutemi jepni një mirëseardhje të madhe, të ngrohtë skoceze për Harry”.

Ai i tha audiencës se industria në Skoci ishte në pararojë për ta bërë sektorin më të gjelbëruar, duke thënë se mund të jepte një shembull për pjesën tjetër të Mbretërisë së Bashkuar dhe botës.

Lexo po ashtu Princi Harry dhe Meghan Markle nuk do t’i përdorin titujt mbretëror pas marsit

“Ne duam të dëgjojmë të vërtetat dhe perspektivat nga e gjithë industria”, tha ai. “Shumë punë të shkëlqyera janë bërë tashmë. Por hulumtimi ynë tregon përsëri se shumë nga këto përpjekje nuk kanë arritur të ndërgjegjësojnë konsumatorët”.

“Ne duhet të punojmë së bashku … të shkallëzojmë praktikat e mira që tashmë përdoren në të gjithë botën. Skocia është një shembull i shkëlqyeshëm i asaj që duam të themi. Ekziston një ambicie gjithëpërfshirëse për qëllimin e Skocisë që mund të adoptohet në të gjithë Mbretërinë e Bashkuar dhe madje edhe në të gjithë botën”.

“Skocia është një nga destinacionet në rritje më të shpejtë të turizmit në të gjithë botën dhe është në pararojë të një qasje më të qëndrueshme, për këtë arsye njohja juaj për këto çështje është kaq e vlefshme”.

“Ne duhet të punojmë së bashku me partnerë, ekspertë, operatorë dhe të tjerë për të rritur shkallët e praktikave të mira që tashmë përdoren në të gjithë botën”, e përfundon fjalimin e tij Harry. /Telegrafi/