Leken: Metodologjia e re për zgjerim të BE-së ka kritere më të rrepta për vendet kandidate

Me metodologjinë e re të zgjerimit të propozuar, kriteret e Kopenhagës janë të njëjta, por krahasuar me aplikimet për anëtarësim të vendeve të Evropës Qendrore, rregullat tani janë më të rrepta, thotë profesori Christian Leken nga Instituti i Shkencave Politike në Paris.

“Procedura e rishikuar e zgjerimit e propozuar nga KE, e ndjekur nga një No-piper nga Franca, nuk sjell asgjë revolucionare në krahasim me metodologjinë e mëparshme. Ai përmban elemente të ristrukturimit të procedurës, siç është prezantimi i grupimeve në të cilat grupohen 35 kapitujt”, tha Leken.

Ai tha se referuar vetë procesit, është e qartë se zgjerimi varet jo vetëm nga situata në vendet kandidate, por edhe nga situata në Bashkimin Evropian, dhe ky aspekt i fundit është bërë më i rëndësishëm sot se në të kaluarën.

Për vendimin e Samitit të tetori për të mos ju dhënë data për fillimin e bisedimeve Maqedonisë së Veriut dhe Shqipërisë, Leken tha se, bllokimi i Francës nuk ishte kundër këtyre dy vendeve, por është më tepër një veprim i Presidentit Francez Emmanuel Macron ndaj anëtarëve të klubit dhe buron nga vlerësimi i tij për nevojën për të reformuar kapacitetet e BE-së përpara se të pranojë anëtarët e rinj./Telegrafi/