Pozitë e opozitë pajtohen se duhet të jenë unik në politikën e jashtme

Pozitë e opozitë po pajtohen se duhet të ketë unitet sa i përket politikës së jashtme. Por, nga opozita po e akuzojnë kryeministrin Albin Kurti, se po i ndryshon qëndrimet e tij.

Pozitë e opozitë, pajtohen se Kosova duhet të jetë e njëzëshme në politikën e Jashtme. Por, opozita hedh akuza drejt kryeministrit Kurti për ndryshime të shumta të qëndrimeve, raporton RTV Dukagjini, përcjell Telegrafi.

Anëtarja e Kryesisë së Vetëvendosjes, Albulena Haxhiu, thotë se pavarësisht mospajtimeve partiake, Kosova duhet të ketë një qëndrim unik në Konferencë e Munihut.

“Ne kemi thënë se qeveria e re do të ketë qasje të re në qeverisje dhe në koordinimin tonë me institucionet kur vjen në pyetje interesa nacional. Konferenca ne Munih është shumë e rëndësishme në këtë drejtim”, deklaroi Albulena Haxhiu.

Edhe deputetja e AAK-së, Time Kadrijaj, thotë se është pro unifikimit në politikë të jashtme, por e kritikon Kurtin për ndryshim qëndrimesh.

“Nuk është asnjë befasi që zoti Kurti ka thyer rekord në ndryshim të qëndrimeve. Në dhjetë ditë qeverisje dhjete ndryshime, dhe ftesa për takim me Presidentin është ndryshimi i 11 i tij. Mendoj që janë dy institucione të ndara por në Munih duhet të shkojnë më një gjuhë të përbashkët”, deklaroi për RTV Dukagjinin, Time Kadrijaj.

Ndryshimet e Kurtit jenë komentuar shumë edhe në opinion. /RTV Dukagjini/Telegrafi/