KRU “Prishtina” apelon te qytetarët: Mos hudhni mbeturina në rrjetin e kanalizmit!

Kompania Rajonale e Ujësjellësit “Prishtina” u ka bërë thirrje qytetarëve të mos hedhin gjësende të ngurta në rrjetin e kanalizimit.

Kjo kompani përmes një reagimi në faqen e saj zyrtare në Facebook, thotë se “rrjeti i kanalizimit nuk është shportë as deponi mbeturinash, nuk është i dedikuar as ndërtuar për hudhje të mbeturinave”.

Reagimi i plotë:

“Të hedhësh paloma të lagura në rrjetin e kanalizimit është rreptësisht e ndaluar!

Të hedhësh gjësende të ngurta në po të nëejtin rrjet, në vend se të përdorësh shportën e mbeturinave, poashtu e ndaluar rreptësisht! Dikush nga ne e përdorë rrjetin e kanalizimit për secilën mbeturinë që del nga shtëpitë tona dhe për të vepruar në këtë mënyrë rreptësisht të ndaluar, është shumë e lehtë, por a është veprim i drejtë?!

Jo, aspak!

Rrjeti i kanalizimit nuk është shportë as deponi mbeturinash, nuk është i dedikuar as ndërtuar për hudhje të mbeturinave.

Ju lutemi për kujdes të shtuar ndaj rrjetit të kanalizimit!

Zhbllokimi i pusetave nga ekipet e mirëmbajtjes së rrjetit të kanalizimit është tepër i vështirë madje, shumë i rëndë për ta dhe shpeshherë ndjejnë plogēshti, marramendje dhe u duhet kohë të kthjellen.

Të gjithë ne mund t’ i mbajmë rrjetat e kanalizimit pastërt që, të kemi jetë të shëndoshë!”, thuhet në reagimin e KRU “Prishtina”. /Telegrafi/