Lëvizjet e tyre ngjajnë me një tornado, publikohen pamjet – banorët të shqetësuar, pasi lakuriqët “pushtojnë” një qytet të Australisë

Një numër i madh i lakuriqëve ka zbritur në një qytet të vogël në Australi, duke shkaktuar shkatërrim për banorët vendas.

Qyteti është i “pushtuar” nga lakuriqët, që ndonjëherë duken si “dhelpra fluturuese” në qytetin e Ingham, të Queensland, sa që – qindra e mijëra prej tyre – tejkalojnë numrin e 4,300 banorëve të qytetit, përcjell Telegrafi.

“Është si një tornado e lakuriqëve mbi qytet”, ka thënë banori Adam Kaurila.

Grumbulli i madh i tyre ka pushtuar vendet botanike të qytetit dhe ato gjithashtu janë afruar pranë një shkollë fillore dhe kopshtit të fëmijëve.

Banorët e këtij qyteti janë shprehur të shqetësuar pasi që numri i tyre po shënon rritje.

https://www.youtube.com/watch?v=2uPTKS-TqQU

“Më duket se çdo lakuriq në Australi është në Ingham”, tha Raymon Jayo, kryetari i Hinchinbrook.

Banorët e zonës kanë treguar për erën e pakëndshme që ka sjellë kolonia e lakuriqëve, si dhe tingujt e vazhdueshëm që bëjnë ata.

Disa prindër janë gjithashtu të shqetësuar se lakuriqët mund të përhapnin sëmundje të rrezikshme.

Adam Kaurila dhe gruaja e tij Susanne, kanë menduar që të mos i dërgojnë përkohësisht dy vajzat e tyre në shkollë, deri situata të qetësohet dhe të jetë nën kontroll.

Lakuriqët në Australi mund të transmetojnë sëmundje tek njerëzit si lyssavirus, e kjo mund të ndodhë përmes gërvishtjeve ose kafshimeve.

Sidoqoftë, rreziku është i ulët, vlerëson Des Boyland nga Shoqëria e Ruajtjes së Natyrës së egër të Queensland, përcjell Telegrafi.

Lyssavirusi i Lakuriqit Australian (ABL), është shumë i ngjashëm me virusin klasik të kafshëve, dhe ka pasur tre raste të konfirmuara në Australi që kur u identifikua për herë të parë në vend në vitin 1996 – raste këto që rezultuan me vdekje, sipas Australian Journal of Practice General.

Ashtu si sëmundja e kafshëve, nuk ka kurë për lyssavirsuin pasi të shfaqen simptomat.

Sidoqoftë, përhapja e sëmundjes mund të parandalohet me pastrim të shpejtë dhe të plotë të plagës, përveç administrimit të shpejtë të imunoglobulinave të tërbimit dhe vaksinave, sipas qeverisë së New South Wales.

Pavarësisht nga rreziku i mundshëm shëndetësor që ata paraqesin, lakuriqët mbrohen sipas ligjit të Queensland.

Kjo do të thotë që këshilli lokal ka mundësi të kufizuara kur bëhet fjalë për largimin e tyre e tyre.

Ekzistojnë disa teknika jo-vdekjeprurëse që mund të përdoren për të provuar dhe shpërndarë ato, si përpjekja për t’i trembur ata nga tymi, zhurma dhe drita. Sidoqoftë, ligji vendor thotë se këto nuk mund të përdoren kur lakuriqët janë duke u rritur.

“Ekzistojnë katër lloje të ndryshme të specieve, dhe të gjitha këto fekondohen në periudha të ndryshme, vështirë se mund t’i largojmë ato”, ka thënë Jayo.

Sidoqoftë, theksohet se këto teknika janë “rrallë herë të suksesshme” kur bëhet fjalë për shpërndarjen e kolonive të lakuriqëve dhe se megjithatë kafshët luajnë një rol të rëndësishëm në ekosistemin vendor. /Telegrafi/