“Physical” e Dua Lipës promovohet në ekranet gjigante të New Yorkut

Këngëtarja shqiptare me famë ndërkombëtare, Dua Lipa, të premten publikoi këngën e saj më të re “Physical”.

Kënga e cila erdhi si një stil i viteve 80’ u prit tejet mirë nga publiku, dhe ka arritur shifër milionëshe të klikimeve dhe dëgjimeve në platformat muzikore.

Disa nga këto platforma kanë promovuar këngën e artistes shqiptare në ‘billboard’-et më të njohura të botës.

Dua së fundmi publikoi në rrjetin social Facebook një fotografi të një ekrani gjigant në New York, ku shihej imazhi i saj nën petkun e promovimit të këngës së re.

Ndërkohë, në rrjetin social Instagram Lipa publikoi edhe dy ‘billboard’-e të tjera, kësaj radhe nga Amazon Music, të cilët u sugjeronin kalimtarëve të qytetit më të vizituar në botë, këngën e saj të re “Physical”.

https://www.instagram.com/p/B8FQWhUhX3I/

Dua Lipa përndryshe ka premtuar për fansat se do ta publikojë të plotë albumin e saj më datë 3 prill.

Ajo deri më tani ka publikuar tri këngë nga ky album: “Physical”, “Future Nostalgia” dhe “Don’t start now”. /Telegrafi/