Një tjetër qytet kinez vendoset në karantinë, derisa numri i të vdekurve nga coronavirusi vazhdon të rritet

Kina ka bllokuar një qytet të madh larg nga epiqendra ku shpërtheu coronavirusi, pasi numri i vdekjeve u rrit në 304 dhe fataliteti i parë jashtë vendit u raportua në Filipine.

Ngjarjet rritë shqetësimin për potencialin që virusi të përhapet më tej dhe më shpejt, pasi qeveritë në të gjithë botën mbyllën kufijtë e tyre për njerëzit nga Kina, transmeton Telegrafi.

Autoritetet mbyllën praktikisht qytetin lindor të Wenzhou – rreth 800 kilomtra larg Wuhan dhe që numëron 9 milionë banorë, duke mbyllur rrugët dhe duke i mbyllur njerëzit në shtëpitë e tyre.

Që kur doli nga Wuhan në fund të vitit të kaluar, coronavirusi ka infektuar afro 14,500 njerëz në të gjithë Kinën dhe arriti në 24 vende të botës.

Shumica e infeksioneve jashtë shtetit kanë qenë te njerëzit që kishin udhëtuar nga Wuhan, një qendër industriale me 11 milionë njerëz, ose zona përreth të provincës Hubei.

Burri që vdiq në Filipine ishte një 44-vjeçar nga Wuhan, sipas Organizatës Botërore të Shëndetit, i cili e ka shpallur epideminë një emergjencë globale shëndetësore.

Kina ka filluar përpjekjet e pashembullta për të përmirësuar virusin, i cili besohet të ketë ardhur te njerëzit nga një treg kafshësh në Wuhan, dhe mund të transmetohet midis njerëzve në një mënyrë të ngjashme me gripin.

Këto përpjekje kanë përfshirë karantina të jashtëzakonshme në Wuhan dhe qytete përreth, me transport të ndaluar, duke mbyllur në mënyrë efektive më shumë se 50 milionë njerëz.

Por 10 ditë pasi mbyllën qytetin Wuhan, autoritetet vendosën masa të ngjashme edhe me qytetin Wenzhou, një qytet bregdetar me nëntë milionë njerëz në provincën Zhejiang, pjesë e zemrës industriale lindore që ka mundësuar ngritjen ekonomike të Kinës gjatë dekadave të fundit.

Vetëm një banor për një familje lejohet të dalë çdo dy ditë për të blerë nevoja, dhe 46 stacionet e autostradave janë mbyllur, njoftuan autoritetet.

Qyteti më parë kishte mbyllur vende publike si kinema dhe muze, dhe pezullonte transportin publik.