Flaka Krelani tregon prapaskenat e bashkëpunimit me reperin Young Noble

Këngëtarja e njohur Flaka Krelani së fundmi ka sjellë një bashkëpunim ndërkombëtarë me reperin e njohur amerikan Young Noble.

Flaka, në “Reload” në RTV Dukagjini ka treguar prapaskenat e realizimit të këtij videoklipi.

Ajo thotë se kur ka marrë përgjigje pozitive nga Young Noble, ka qenë momenti më i lumtur në jetën e saj.

Këngëtarja tregon se Young Noble pavarësisht namit që ka në skenën muzikore ndërkombëtare, me të është treguar shumë modest dhe shumë i thjeshtë.

“Në një moment isha me një mike që kishte ardhur nja jashtë dhe ndërkohë më thirr në WatsApp. Më pyeste nëse me te vërtet e kem emrin Flaka apo është ndonjë pseudonim. Ai ndër të tjera më pyet nëse mund ta përdorë emrin tim në këngë për të dëshmuar se kënga nuk ka qenë pjesë e ndonjë pjesë e ndonjë projekti të mëparshëm. Ndihesha shumë e emocionuar që ai po më pyet “a bën”. Sigurisht se po”, rrëfen këngëtarja e emocionuar bisedën me Young Noble.

Këngëtarja tregon se klipi është realizuar në Liqenin e Radoniqit aty ku edhe kanë dëgjuar dikur këngët e Tupac dhe Young Noble.

Ajo thotë se edhe bashkëpunëtorit nga Amerika i ka pëlqyer shumë lokacioni i xhirimit të klipit.

Flaka thotë se i vetmi sugjerim që i ka ardhur nga Young Noble ka qenë se “po të ishte edhe ai në Kosovë, klipi do të delte më mirë”.

Këngëtarja thotë se nga kolegët e skenës muzikore nuk ka pasur shumë mesazhe përgëzuese për këtë bashkëpunim ndërkombëtarë, por thotë se ka pasur mesazhe pa fund nga fansat,  e sidomos ata të Tupac-ut./Telegrafi/

Rrëfimi i Flaka Krelanit nga minuta ’46 e videos së mësipërme