“NRG Band”: Kënga e re ndoshta kur të bëhet koalicioni

Grupi “NRG Band” së fundmi kanë ardhur me projektin e tyre të ri të shoqëruar edhe me videoklip “Ani Ani”.

Dy anëtarët e këtij grupi Besniku dhe Arbeni kanë qenë mysafirë në emisionin “Reload” në RTV Dukagjini duke shpalosur detaje për klipin dhe duke treguar për projektet e së ardhmes.

Arbeni thotë se kënga është pritur shumë mirë nga publiku dhe se ata janë të kënaqur.

Besniku thotë se zakonisht projektet ata i bëjnë në versionin demo ku në fillim marrin mendimet e rrethit të afërt miqësorë para se të del versioni final për publikun.

“NRG Band” është ndër grupet më jetëgjate në skenën muzikore shqiptare.

Besniku thotë se sekreti i kësaj jetëgjatësie është se të gjithë në grup e duan muzikën. Sipas tij ata janë shumë bashkëpunues mes vete dhe secili e ka shikuar rrugën e vet për të arritur suksesin.

“Për të bërë koalicion duhet t’i kesh synimet e njëjta. Ne në grup i kemi synimet e njëjta dhe jetojmë nga muzika, prandaj ne funksionojmë prej 20 vitesh”, shtoi më tej vokalisti i NRG Band.

Duke folur për projektet e reja, anëtarët e “NRG Band”, thonë se sa më shumë që afrohet vera do të dalin projekte më të nxehta.

“Kur të bëhet koalicioni ndoshta do të del edhe kënga e re”, ka shtuar Besniku duke qeshur i cili më pas thotë se muzika dhe politika duhet të jenë të ndara pasi sipas tij në të kaluarën ka qenë situata e tillë kur ka pasur nevojë për këngë./Telegrafi/