Si e mbajti Jennifer Aniston fustanin që e veshi në SAG Awards të mos rrudhej?

Jennifer Aniston mund të jetë një prej yjeve që shkëlqeu në SAG Awards, por arritja e saj deri në tepihun e kuq nuk ishte edhe aq e lehtë.

Aktorja e “Morning Show”, 50-vjeçe, kishte veshur një fustan Dior të John Galliano në ceremoninë e ndarjes së çmimeve të dielën, ndërsa i la shumë pak vend imagjinatës me dukjen e saj.

Por, në mënyrë që ky fustan delikat të mos rrudhej para se ajo të arrinte në tapetin e kuq, Aniston u detyrua që të shtrihej në ulëset e prapme të veturës së saj.

https://www.instagram.com/p/B7j4-6jBqd7/

“Pa rrudha… më e vështirë se sa duket”, është përshkrimi që ia ka vënë fotos së publikuar në Instagram, ku shihet në një pozitë jo të rehatshme derisa po udhëtonte në ceremoninë e çmimeve.

Lexo po ashtu Për herë të parë pas 16 vitesh, Brad Pitt dhe Jennifer Aniston përshëndeten dhe përqafohen në publik

Në imazhin tjetër të ndarë me ndjekësit, Jennifer zbuloi çmimin që e ka fituar të cilën e kishte vendosur në qoshen e vaskës së saj. duke shkruar, “Diku midis këtyre dy fotove, bashkëmoshatarët e mi më dhanë një dhuratë që nuk do ta harroj kurrë”.

Shumë të famshëm e uruan Anistonin për çmimin e saj për ‘Performancën e shkëlqyeshme nga një Aktore Femër në një seri Drama’, duke përfshirë bashkëpunëtoret e saj në “Friends”, Courteney Cox, Rita Wilson, Drew Barrymore dhe shumë më tepër.

Pasi pranoi statujën e saj, aktorja u pa shumë e lumtur teksa u ribashkua në prapaskenë edhe me ish-bashkëshortin e saj, aktorin Brad Pitt. /Telegrafi/