Bizneset në Maqdoni me mungesë të kuadrove, kërkojnë forcimin e drejtimeve profesionale
Mungesa e kuadrove profesionale në shumë sektorë të ekonomisë, ka bërë që bizneset sërish të alarmojnë institucionet për ndryshimin e politikës arsimore, apo dhënien përparësi regjistrimit të nxënësit në shkollat e mesme profesionale.
Nëse vazhdohet me politikën e deritashme dhe nëse merret parasysh largimi i të rinjve jashtë vendit, bizneset do të mbeten pa kuadrin e nevojshëm, tërheqin vërejtjen nga Oda Ekonomike e Maqedonisë Veriperëndimore.
“Mungesa e kuadrit profesional për nevojat e ekonomisë dhe sektorin e biznesit tashmë një kohë të gjatë paraqet problem serioz dhe me këtë fenomen fare nuk janë marrë institucionet. Kompanitë po përballen me mungesë të kuadrit duke e vënë në rrezik edhe veprimtarinë e tyre. E gjithë kjo është pasojë e sistemit arsimor që aspak nuk i përshtatet nevojave të tregut”.
“Kemi një strategji të gabuar nga Ministria e Arsimit sa i përket konkurseve në arsimin e mesëm, që fare nuk merr parasysh nevojat e sektorit të ekonomisë. Konkurset janë thuajse të njëjta, çdo vit kemi rritje të numrit të nxënësve nëpër gjimnaze, por jo edhe në drejtimet profesionale, të cilat vlerësojmë se janë bërthama për një shoqëri të fortë dhe të zhvilluar ekonomike”, thotë Natasha Janevska, nga Oda Ekonomike e Maqedonisë Veriperëndimore.
Bizneset thonë se kanë mungesë të kuadrit të ndryshëm si teknik makinash, elektricistë, saldator, hidraulik, në industrinë e përpunimit të mishit, të tekstilit, por edhe kuzhinierë, e profesione tjera të rëndësishme për veprimtarinë e tyre.
Në vitin shkollor 2019/2020 në shkollat e mesme janë pranuar rreth 35 mijë nxënës, por pjesa dërrmuese e tyre në gjimnaze, shkollat e mjekësisë dhe drejtime tjera të përgjithshme, ndërsa në drejtimet profesionale numri ka shënuar rënie.
Në Shkup, ku edhe është numri më i madh i shkollave profesionale, janë pranuar vetëm rreth 1.300 nxënës, numër ky thuajse për tri herë më i ulët se ai i viteve të mëparshme.
Drejtuesit e shkollave profesionale kërkojnë që Ministria e Arsimit të ndërmarrë më shumë masa për rritjen e interesimit të nxënësve për drejtimet profesionale.
“Konsideroj se nxënësit shqiptarë duhet të regjistrohen nëpër shkolla profesionale, pasi kërkohen më shumë në tregun e punës, por te ne, nxënësit nuk janë të orientuar ashtu siç duhet, zakonisht shkojnë nëpër drejtimet e përgjithshme, drejtime këto se vlerësoj që nuk kanë perspektivë”, thotë Zekirja Zeqiri, profesor në shkollës profesionale “Boro Petrushevski” në Shkup.
Nga Ministria i Arsimit thonë se kanë ndërmarrë një sërë masash për sensibilizimin e nxënësve që të regjistrohen në drejtimet profesionale, madje si ministri kanë arritur marrëveshje edhe me kompani të ndryshme që pas mbarimit të shkollimit nxënësve, t’u garantohen edhe vende të punës.
“Kemi filluar me zbatimin e konceptit të arsimit të mesëm të dyfishtë. Kjo do të thotë që nxënësit, veç mësimit, do të ndjekin edhe punë praktike te punëdhënësit e tyre me mundësi punësimi menjëherë pas përfundimit të procesit të shkollimit”, thekson Ministri i Arsimit, Arbër Ademi, optimist se kjo metodë, por edhe masat e tjera do të japin rezultate në përmirësimin e gjendjen në arsimin e mesëm profesional në vend.
Në ngritjen e interesit të nxënësve për t’u regjistruar në drejtimet profesionale janë përfshirë edhe organizata të huaja, si Qendra Evropiane për Trajnim, e cila me projekte të ndryshme po mbështet politikat arsimore të Ministrisë Arsimit./REL/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Knaus "godet" sërish: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City