Sekti fetar në Panama vret shtatzënën dhe gjashtë fëmijët e saj, policia ndërdyu gjatë ritualit dhe shpëtoi 14 persona – ishin fshehur në xhungël

Gjatë një rituali të çuditshëm fetar të sekteve janë vrarë shtatë persona, kurse 14 tjerë i janë nënshtruar dhunës së paparë në një xhungël të Panamasë, ku lideri i këtij sekti kishte torturuar, rrahur, prerë me hanxharë dhe djegur trupat e tyre, me qëllim që “t’i detyrojë të pendohen për mëkatet e tyre”,

Kjo ngjarje e tmerrshme ka ndodhur në një ranç ku është ndërtuar një kishë e improvizuar për sektin, e kur policia mbërriti me helikopterë arriti t’i shpëtojë 14 anëtarët e grupit Ngabe Buble, që ishin lidhur dhe rrahur me shkopinj, transmeton Telegrafi.

Policia dhe gjykata ishte informuar nga tre anëtarë të grupit që kishin arritur të arratisen, dhe që më pas janë hospitalizuar në spitalin më të afërt. Sipas gjykatësit, në ranç janë gjetur burra e gra të zhveshura, hanxharë, thika dhe një dhi që e kishin sakrifikuar gjatë ritualit.

E dy kilometra larg rançit zyrtarët policorë kanë gjetur trupat e gjashtë fëmijëve dhe të një shtatzëne. Ata pranuan se bëhet fjalë për një ritual të një sekti të ri që po vepron tash e tre muaj në këtë rajon.

Ngabe Bugle është grupi më i madh në këtë rajon dhe jetojnë thellë në xhungla sa që ata që shpëtuan, është dashur të transportohen me helikopter për në spitalin më të afërt. /Telegrafi/