Krerët shtetëror me urime për festat, dëshirojnë mirëqenie, fat, prosperitet dhe paqe

Në nder të festave të Buzmit dhe Krishtlindjeve krerët shtetërorë dhe të partive përcollën urimet e tyre.

“Le të vazhdojmë në rrugën drejt paqes dhe qetësisë, drejt sigurisë dhe prosperitetit, duke vazhduar të kultivojmë unitet, respekt, miqësi, dashuri të pastër dhe të sinqertë. Bëni një festë të lumtur me të dashurit tuaj”, potencoi Oliver Spasovski, kryeministër teknik.

“Lindja e Krishtit, qëndron në urim, përkujton në përgjegjësinë para të cilës është drejtuar çdo njeri i ndërgjegjshëm, të qëndrojë i sinqertë dhe me guxim në anën e të vërtetës dhe drejtësisë, t’i ruajë dhe praktikojë vlerat e solidaritetit, të dorës së shtrirë ndaj njëri-tjetrit, të respektit të ndërsjellë, mirëkuptimit, urtësisë, durimit, dashurisë”, tha Zoran Zaev, kryetar i LSDM-së.

“Maqedonia po përballet me sfida të mëdha, por unë besoj në popullin tim që ata do të marrin vendime që do të nënkuptojnë siguri, drejtësi dhe rinovim. Për t’i dhënë fund humbjes, po vjen koha që njerëzit e ndershëm dhe parimor të punojnë në interes të njerëzve. Do t’i japim fund fundosjes dhe padrejtësisë”, u shpreh kryetari i OBRM-PDUKM-së, Hristijan Mickoski.

Besohet se në këtë ditë gjithçka që keni huazuar apo keni borxh duhet ta ktheni dhe të pajtoheni me të gjithë që jeni zënë, kështu që i gjithë viti do t’ju shkoj i lumtur dhe në paqe.