Sulmohet baza ushtarake amerikane në Kenia

Grupi terrorist Al Shabab ka kryer një sulm ndaj një baze ushtarake amerikane në Kenia.

Sipas informacionit fillestar, me këtë rast janë vrarë një ushtar amerikan dhe dy kontraktues të Departamentit amerikan të Mbrojtjes, raporton NBC.

Sipas mediave të huaja, Al-Shabab është i lidhur me rrjetin terrorist Al-Kaidën dhe ky është sulmi i parë i grupit kundër forcave amerikane në Kenia.

Vendi i sulmit, Manda Bay Airfield, është përdorur nga forcat amerikane për të siguruar trajnime dhe mbështetje kundër terrorizmit për partnerët në Afrikën Lindore, si dhe për të mbrojtur interesat e SHBA-së në zonë.

“Mendimet dhe lutjet tona janë me familjet dhe miqtë e shokëve tanë të ekipit që humbën jetën sot”, tha gjenerali i ushtrisë amerikane Stephen Townsend.

“Ndërsa nderojmë sakrificën e tyre, le të forcojmë edhe vendosmërinë tonë. Krahas partnerëve tanë afrikanë dhe ndërkombëtarë, ne do të ndjekim ata që janë përgjegjës për këtë sulm dhe Al-Shabaab i cili kërkon të dëmtojë amerikanët dhe interesat e SHBA”, shtoi ai. /Telegrafi/