Vazhdojnë pritjet e gjata të mërgimtarëve kosovarë në pikat kufitare me Serbinë

Bashkatdhetarët tanë, të cilët po kthehen në shtetet e Evropës Perëndimore,  po vazhdojnë të qëndrojnë me orë të tëra në vendkalimet kufitare me Serbinë, në dalje të Kosovës.

Raportet e fundit nga Qendra Kombëtare për Menaxhim Kufitar tregojnë se pritjet më të gjata në dalje të Kosovës janë në pikën kufitare në Merdare dhe Jarinë.

Bashkatdhetarët tanë janë duke pritur deri në 5 orë e gjysmë në vendkalimin kufitar në Merdare për të hyrë në Serbi, kurse kolona e automjete ka arritur në 1.6 kilometra, raporton Telegrafi.

Edhe në pikën e kalimit kufitar në Jarinë ka pritje të gjatë deri në 5 orë, kurse kolona e automjeteve është e gjatë 2.5 kilometra.

Në pikë kalimin kufitar në Mutivodë bashkatdhetarët janë duke pritur deri në 4 orë, kurse kolona është e gjatë vetëm 500 metra. Kurse në Muçibabë ka pritja është deri në dy orë, kurse kolona ka arritur deri në 1.2 kilometra.

Po ashtu edhe në pikën kufitare Dheu i Bardhë ka pritje dhe kolonë. Atje qytetarët për të dalë nga Kosova janë duke pritur deri në një orë e gjysmë.

Qendra Kombëtare për Menaxhim Kufitar, gjithashtu bën të ditur se të gjitha rrugët janë të kalueshme.

Qytetarët mund të përcjellin në kohë reale gjendjen në vendkalimet kufitare, duke klikuar KËTU. /Telegrafi/