Aty ku zjarri nuk u shua për qindra vjet, ku dëgjohet lahuta dhe çiftelia, aty ku u thuren tregime rreth Kanunit dhe historisë shqiptare, në vendin e kullave në Junik, ndodhet edhe kulla e ndërtuar 160 vjet më parë.
I njohur si konaku i “Ramë Zyberit” dhe e ndërtuar në vitin 1860 dhe me të gjitha veçoritë e një kulle tradicionale shqiptare, kjo kullë ka qenë në pronësinë e familjes Zyberi për pesë gjenerata.
Zymer Krasniqi, i cili u lind dhe u rrit në këtë kullë, për Telegrafin tregon se është mjaftë i lidhur me kullën e stërgjyshit të tij, Ramë Zyberi, i cili u vra nga serbët dhe sot e asaj dite nuk dinë për eshtrat e tij. Krasniqi tregon se dikur kjo kullë kishte vetëm një kat, dhe më vonë i janë shtuar edhe dy katet tjera.
Kati përdhes, i cili tradicionalisht shfrytëzohej si ahur, është shndërruar në një restorant të vogël, i cili zgjatet e del deri në oborr dhe ka një pamje të bukur dhe relaksuese nga kopshti.
Kulla kishte pësuar dëme të mëdha në luftën e fundit në Kosovë, por Krasniqi me vetiniciativë pas luftës ia kishte nisur punës që ta rinovonte atë.
“Ka qenë e dëmtuar gjatë luftës, e djegur nuk ka qenë. Me iniciativën e familjes, baba kishte dëshirë me restaurua për hir të stërgjyshit, Ramë Zyberi që në atë kohë e kanë gri dhe sot e asaj dite nuk ia dimë as varrin e as eshtrat”, ka thënë Krasniqi.
Në rrëfimin e tij për Telegrafin, ai ka treguar se i ndjeri Agim Ramadani gjatë luftës kishte qenë në konakun e tyre, ku edhe i kishte rënë çiftelisë, të cilën sot e asaj dite Zymer Krasniqi ende e ruan.
“Kësaj çiftelie gjatë luftës i ka ra edhe i ndjeri Agim Ramadani. E kemi lënë në mollë dhe kur kam ardhur pas luftës e kam gjetur të thyer, por për hire që i ka ra i ndjeri Agim Ramadani e kemi ruajt”, tregoi Krasniqi.
Në konakun e “Ramë Zyberit” në Junik përveç akomodimit dhe ushqimit tradicional që do të mund ta provoni, aty mund të shihni edhe gjëra të vjetra tradicionale të cilat janë ruajtur me shumë kujdes nga Zymer Krasniqi.
Në katin e dytë, në të cilin banonte dikur familja, gjenden tre dhoma të gjumit të stilit tradicional dhe dy banjo moderne. Kati i tretë, në të cilin tradicionalisht ndodhej oda e burrave, është i pajisur me një oxhak, çilimë tradicional, dyshekë rreth murit dhe stoli të bukura.
Në mesin e gjërave antike aty mund ta shihni edhe djepin në të cilin është rritur baba i Zymer Krasniqit dhe vetë ai së bashku me vëllezërit dhe motrat. Pjesa e restorantit fatkeqësisht tashmë nuk funksionin si më parë, pasi sipas Zymer Krasniqit, djali i tij i cili është kujdesur për këtë pjesë, është larguar nga Kosova.
Zymer Krasniqi ka treguar se në kullën e tij ka pasur vizitorë të shumtë duke filluar nga Kina e deri tek vizitorët nga Portugalia. Poashtu në mesin e vizitorëve në këtë konak kishin qenë edhe ish-ambasadori Christopher Dell, ish-ambasadorja Tracy Jacobson dhe figrua të tjera të njohura nga skena politike.
Ata që duan të qëndrojnë në Junik, vetëm 15 euro kushton nata në Kullën e Ramë Zyberit. Kulla ndodhet në Junik, fshatin më të madh dhe komunën më të vogël të Kosovës, në afërsi të Deçanit dhe Gjakovës dhe në vendin ideal për ata që janë të interesuar të ngjiten në Gjeravicë, majën më të lartë në Kosovë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Osmani vizitë zyrtare në SHBA, merr pjesë në Samitin SHBA-Afrikë
“Dita e Dëshmorëve të Shqipërisë”, Kurti: Dëshmorët e UÇK-së përfaqësojnë grupin e fundit të madh të të rënëve për lirinë e vendit
Antikorrupsion: Janë konstatuar 45 raste lidhur me zgjedhjet në RMV
Gjendet trupi i pajetë i 9-vjeçares, fati ende i paditur për nënën dhe dy fëmijët e tjerë që dyshohet se janë vetëmbytur në Shkodër
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Daçiq: Ndërkombëtarët po i bëjnë presion Kurtit për Asociacionin
Spitali i Prishtinës, mbi 50 milionë euro investim dhe 400 vende të reja të punës
Dhuna dhe largimi nga banesa dyshohet se e detyruan gruan të mbytet me tre fëmijët e saj në Shkodër, çfarë dihet deri tani për rastin?
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak