Fotografitë tregojnë shkatërrimin e tmerrshëm të Filipineve pas goditjes nga tajfuni

Dhjetëra mijëra njerëz u evakuuan dhe disa të tjerë mbetën të bllokuar nga rrëshqitjet dhe përmbytjet, duke penguar kështu edhe ekipet në përpjekje për t’i shpëtuar ata.

Një tajfun vdekjeprurës në Filipine vrau më shumë se një duzinë njerëzish dhe detyroi shumë të tjerë të largoheshin nga shtëpitë e tyre gjatë festës së Krishtlindjes, transmeton Telegrafi.

Numri i viktimave të raportuara ndryshonte të enjten: AP raportoi të paktën 20, ndërsa CNN e vendosi shifrën në 16. Autoritetet thanë se vdekjet ishin kryesisht nga mbytja, rënia e pemëve dhe energjia elektrike, raportoi AP.

Stuhia, e njohur si Ursula në Filipine, goditi të marten përgjatë gjithë festës së Krishtlindjes. Ajo arriti kulmin me erëra të qëndrueshme prej rreth 145 kilometrave në orë.

Deri të enjten ajo ishte dobësuar pak kur lëvizte drejt Detit të Kinës së Jugut.

Rreth 60,000 njerëz duhej të evakuoheshin kur tajfuni u afrua, dhe mijëra të tjerë u bllokuan gjatë festës pasi udhëtimi u bë i pamundur, raportoi New York Times. Rreth 25,000 njerëz u bllokuan në portet e detit pasi tragetet kishin anuluar udhëtimet, dhe afro 16,000 ishin ngecur në aeroporte.

Pas goditjes së stuhisë, qytetet u zhytën nga rrëshqitjet e tokës, përmbytjet dhe erërat e forta ndërsa ndërprerjet e energjisë ndërlikuan përpjekjet e rimëkëmbjes dhe shpëtimit.

Fotografitë e pasojave të tajfunit treguan shtëpi të shkatërruara, përmbytje masive dhe të mbijetuar që përpiqeshin të largoheshin. Shërbimet e urgjencës po punonin ditën e enjte për të siguruar ushqim edhe pse shumë rrugë ishin të pakalueshme. /Telegrafi/