Profesori amerikan, Haradinajt: Mos e mashtro popullin tënd, por puno që BE-ja t’i heq vizat

Çështja e liberalizimit të vizave për Kosovën, vazhdon të mbetet ende e pazgjidhur, kjo për faktin se BE-ja ende nuk ka dhënë ndonjë sinjal të qartë se kur do të ndodh heqja e vizave për qytetarët e Kosovës.

Pavarësisht kësaj, kryeministri në detyrë, Ramush Haradinaj vazhdon të deklaroj se liberalizimi i vizave për kosovarët do të jetë dhuratë për krishtlindje.

Lexo po ashtu Haradinaj optimist: Liberalizimi mund të ndodhë brenda këtij viti

E lidhur me deklaratat e Haradinajt, ka reaguar profesori i njohur amerikan, Alon Ben Meir, i cili ka kërkuar nga Haradinaj që të mos e mashtroj popullin.

“Me gjithë deklaratat zyrtare të BE-së për mos heqjen e vizave për Kosovën, kryeministri në largim Ramush Haradinaj vazhdon të këmbëngulë se vizat do të hiqen së shpejti. Mos e mashtro popullin tënd zotëri Haradinaj, por puno për ta bindur BE-në t’ia heqë vizat vendit tuaj”, ka shkruar Meir në Twitter. /Telegrafi/

Despite EU official statements on not lifting visas for #Kosovo, outgoing prime minister #RamushHaradinaj keeps insisting that restrictions will be lifted soon. Don’t manipulate your people Mr. Haradinaj; instead work to convince EU to provide your country w/ visa liberalization pic.twitter.com/q51fUzjuer

— AlonBenMeir (@AlonBenMeir) December 10, 2019