Ndryshimi në Finlandë: Një qeveri e udhëhequr nga pesë gra dhe nga kryeministrja më e re në botë

Qeveria e koalicionit në Finlandë do të përbëhet nga pesë parti të gjitha të udhëhequra nga gratë për herë të parë pasi ministrja e transportit femër fitoi një votë për të qenë udhëheqësja e radhës.

Kjo pasi që, Sanna Marin është zgjedhur nga partia e saj Socialdemokrate për të zëvendësuar kryeministrin në largim Antti Rinne.

Ajo thuhet se do të drejtojë një koalicion të qendrës së majtë me pesë parti që të gjitha kanë liderë gra – katër prej tyre nën moshën 35 vjeç, përcjell Telegrafi.

Zonja Marin, në moshën 34 vjeçe, do të bëhet “kryeministri më i ri në botë” dhe udhëheqësi i tretë femër i vendit.

Lexo po ashtu Finlanda do të ketë një kryeministre të re, ajo do të jetë "udhëheqësi më i ri në botë"

Ish kryeministri Alexander Stubb përshëndeti koalicionin e ri, duke thënë se “tregon se Finlanda është një vend modern dhe përparimtar”.

“Partia ime nuk është në qeveri”, ka shkruar ai në Twitter, “por gëzohem që drejtuesit e pesë partive në qeveri janë femra”.

Zonja Marin, një deputete që nga viti 2015 dhe më parë nënkryetari i partisë, do të zëvendësojë Z. Rinne, i cili u tërhoq si kryeministër javën e kaluar pasi ai humbi mbështetjen e partnerit kryesor të koalicionit Partia Center, i cili përmendi një mungesë besimi.

Rinne u bë lideri i parë i së majtës së Finlandës në 20 vjet pasi Socialdemokratët dolën si partia më e madhe në zgjedhjet e përgjithshme të prillit.

Sidoqoftë, udhëheqja e tij u kritikua nga partia e tij kryesore e koalicionit për një grevë dy-javore nga shërbimi postar në pronësi të shtetit në nëntor që u përhap në industri të tjera, duke përfshirë kompaninë ajrore Finnair.

Lexo po ashtu Jetoi me qira dhe ishte personi i parë në familje që shkoi në universitet: Jeta politike dhe jo vetëm e Sanna Marin, kryeministres së re të Finlandës

Vendimi i Rinne për t’u dorëhequr nxiti dorëheqjen zyrtare të një koalicioni të Social Demokratëve, Partisë Qendrore dhe tre partnerëve të rinj: të Gjelbrit, Aleancës së Majtë dhe Partisë Suedeze të Finlandës.

Kështu, të Dielën, Social Demokratët dhe katër partitë e tjera të koalicionit thanë se do të vazhdojnë në qeverinë e re të zonjës Marin.

Ata do të kenë një shumicë të rehatshme prej 117 vendesh në parlamentin me 200 vende.

Përveç Marin, Katri Kulmuni, Maria Ohisalo, Li Andersson dhe Anna-Maja Henriksson janë drejtuesit e partive të saj të koalicionit. /Telegrafi/