Dua Lipa tregon arsyen e fshirjes së fotografive në Instagram, para publikimit të këngës “Don’t Start Now”

Rrjetet sociale janë shndërruar në një mjet kyç për të gjithë të famshmit, duke i përfshirë muzikantët, të cilët duan ta promovojnë punën dhe brendin e tyre.

Mirëpo, ylli i muzikës pop, Dua Lipa, ka treguar se ishte tërhequr nga ky trend para se ta publikonte hitin e saj më të fundit, “Don’t Start Now”.

Para publikimit të këngës së re, shqiptarja e famshme fshiu gjithçka që kishte në profilin e saj në Instagram.

Ndërsa kur është pyetur nga emisioni Fitzy & Wippa në një radio australiane për arsyen e fshirjes, ajo ka thënë se kishte dashur t’ia dëshmonte vetes se “rrjetet sociale nuk janë reale”.

Lexo po ashtu Dua Lipa kujton kohën kur nuk e pranuan në korin e shkollës - i kishin thënë se nuk dinte të këndonte

“(Fshirja e postimeve) ishte më shumë argëtuese. Po nisja një album të ri, doja të filloja e freskët, ato kujtime do të jenë gjithmonë aty. Unë jetoj përmes tyre dhe nuk do t’i harroj kurrë”.

https://www.instagram.com/p/B5a2CiWBPSu/

“Mendoj se duhej hequr atë çmueshmëri, sepse mendoj se njerëzit ndjejnë shumë tepër për rrjetet sociale dhe kjo ishte në një mënyrë arsyeja pse e bëra”, ka treguar 23-vjeçarja.

Më tej, autorja e hitit “New Rules” ka thënë se, sidoqoftë, njerëzit duhet t’i përdorin rrjetet sociale ashtu si duan vet. /Telegrafi/

https://www.instagram.com/p/B5iC5_6BLlq/