Rrëfimi i talentit të rrallë që e ka Kosova: Dikur lojtar parku, Andi Koshi tani vlen gjysmë milioni    

Gjithçka filloi aty ku kalonte kohën e tij të lirë, në park duke luajtur futboll me shokët e tij. 

Ishte vetëm 5 vjeç ku syrin ia vuri një trajner i një ekipi futbolli në Belgjikë, i cili vendosi që Andi Koshi talentin e tij ta shpalos në një fushë të vërtetë futbolli, e jo më nëpër rrugët e lagjes.

Ai sot luan për Cercle Brugge në Belgjikë si mesfushor.

“Si çdo fëmijë shkova në park. Një trajner me hetoi dhe më bëri ftesë t’i bashkohem klubit për një test. Duket se u pëlqeve dhe nga ai moment fillova karrierën”, shprehet për RTV Dukagjinin, Andi Koshi.

I përkushtuar maksimalisht tek futbolli, në dijeni që vetëm me punë e disiplinë arrihet deri tek suksesi, Koshi ia ka vënë qëllimet vetes.  Deri më tani ka arritur atë që shumë moshatar të tij dot e ëndërronin.

Paraqitja e tij e mirë ka bërë që 18 vjeçari të këtë oferta edhe nga klubet e njohura evropiane, por ai ka edhe pak kohë të mendoj pasi që kontrata e tij me Cercle Brugge skadon në vitin 2021.

“Pasi u bërë profesionist, qëllimi im është që të fitojë Ligën e Kampionëve, mirëpo jam i vetëdijshëm që kjo arrihet hap pas hapi, me punë dhe përkushtim”, shprehet Andi Koshi, përcjell Telegrafi.

Talenti 18 vjeçar, ka marrë ftesë edhe nga Kombëtarja e Shqipërisë dhe ajo e Kosovës.

“Kam pranuar ftesa nga Kosova dhe Shqipëria por prej disa vitesh angazhohem me të rinjtë e Belgjikës. Megjithatë në të ardhmen i lë të hapura të gjitha opsionet. Edhe pse kam lindur në Belgjikë, e ndjejë vetën shqiptar”, tha ndër të tjera Andi Koshi.

Futbollisti i cili vlen afro gjysmë milioni ka kryer shkollën e mesme në drejtimin e shkencave në Belgjikë, por majat e suksesit i sheh në fushën e gjelbër, me mikun e tij më të ngushtë- topin duke u bërë një futbollistit i njohur ndërkombëtarisht. /RTV Dukagjini/Telegrafi/