Prolaktinën e prodhon hipofiza. Vlera e prolaktinës rritet gjatë shtatzënisë dhe pas lindjes
Dr. Rreze Serhati Morina
Endokrinologe
tel. 049667722
Normalisht, edhe gratë, por edhe burrat prodhojnë prolaktinën e cila te gratë joshtatzëna ndihmon në rregullimin e ciklit menstrual, kurse te burrat ka ndikim në prodhimin e spermatozoideve.
Hiperprolaktinemia (vlera e rritur e prolaktinës) e çrregullon ciklin menstrual, e pengon ovulacionin dhe rrjedhimisht nuk mund të ndodhë shtatzënia.
Hiperprolaktinemia është e shpeshtë tek gratë. Rreth 1/3 e grave në moshë reproduktive që kanë cikël të çrregullt (me vezore normale) kanë hiperprolaktinemi. Në raste të tilla ajo grua e ka të vështirë që të mbetet shtatzënë ose mund të ketë rrjedhje nga gjiri (galactorrhea).
Rreth 90% e grave që kanë galaktore kanë hiperprolaktinemi.
Disa gra kanë hiperprolaktinemi, por nuk kanë asnjë simptomë klinike.
Burrat me hiperprolaktinemi kanë impotencë dhe infertilitet.
Pse shfaqet hiperprolaktinemia?
Shkaktarët e mundshëm janë:
▪ Tumori i gjëndrës tiroide (prolactinoma)
▪ Hipotiroidizmi
▪ Barnat që jepen për mjekimin e depresionit, psikozës dhe shtypjes së lartë të gjakut.
▪ Disa bimë, si kopra dhe tërfili i kuq
▪ Irritimi i kafazit të kraharorit (vragat, bile edhe jeleku shumë i ngushtë)
▪ Stresi dhe ushtrimet e tepërta fizike
▪ Stimulimi i thimthit të gjirit
Në 1/3 e rasteve me hiperprolaktinemi nuk dihet shkaktari.
Vlera e prolaktinës mund të del e rritur nëse keni ngrënë ushqim para se ta jepni gjakun për analizë ose nëse jeni nën stres.
Testin duhet ta përsëritni disa orë pas ushqimit dhe kur jeni relaksuar.
Si trajtohet hiperprolaktinemia?
Jo të gjitha gratë me hiperprolaktinemi kanë nevojë për mjekim.
Trajtimi varet nga shkaktari i hiperprolaktinemisë. Nëse ka hipotiroidizëm atëherë me dhënien e hormoneve të tiroidesë, normalizohet edhe prolaktina.
Barnat që përdoren më së shpeshti janë kabergolina dhe bromokriptina. Fillimisht jepet doza e ulët e barit e cila rritet deri në vlerën e cila e normalizon prolaktinën.
Trajtimi vazhdon deri sa të tërhiqen simptomat ose mbeteni shtatzënë (nëse po përpiqeni që të mbeteni shtatzënë).
Kabergolina jepet dy herë në javë dhe ka më pak efekte anësore se bromokriptina. Kabergolina poashtu e normalizon prolaktinën më shpejt se bromokriptina.
Efektet më të shpeshta anësore janë marramendja, nauzea dhe kokëdhembja. Këto efekte shfaqen më rrallë kur doza rritet gradualisht. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Çfarë është sindroma e dhimbjes miofasciale që shkakton ngurtësi të vazhdueshme?
Shkencëtarët zbuluan se sa orë në ditë duhet të ulemi, të flemë, të qëndrojmë në këmbë dhe të ushtrohemi
Është miratuar një trajtim i ri për një lloj kanceri të fshikëzës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'