E mori dhuratën dhe e fshehu nën fustan pa e vërejtur askush, Bebe Rexha ironizon me një video në rolin e kleptomanes

Artistja me renome ndërkombëtare, Bebe Rexha, është e njohur për shakatë e saj në rrjetet sociale.

Ajo nuk heziton që të publikojë imazhe të ndryshme nga përditshmëria, duke treguar dukjen e saj natyrale apo kilogramët e tepërt.

Duke tentuar të tregojë sa më shumë anën e saj natyrale, Bebe Rexha nuk i kursen edhe videot qesharake për fansat e saj.

Një të tillë e ka realizuar së fundmi, në prapaskenat e premierës së filmit “Maleficent 2”, ku ajo ishte e ftuar si interpretuese e kolonës zanore.

Lexo po ashtu Inspiruar nga Bebe Rexha, aktivistet protestojnë në Londër kundër paragjykimeve që bëhen për trupin e grave: Një numër nuk ju përcakton ju

Në një video e cila po qarkullon në rrjetet sociale, shihet këngëtarja shqiptare e cila me vetëdije xhirohet, teksa fsheh një nga dhuratat e hollit nën fustanin e saj.

Më pas ajo largohet me të qeshura, duke lënë përshtypjen se kështu nuk është vërejtur nga askush.

Me këtë skeç, ajo sikur bëri një interpretim të shkëlqyer të personave që janë kleptomanë.

Videoja ka bërë shumë për të qeshur fansat e saj, të cilët nuk i kanë kursyer komentet e shumta për shpirtin e saj satirik. /Telegrafi/