Paneli Zgjedhor për Ankesa dhe Parashtresa dhe Gjykata Supreme deri tani nuk kanë pranuar ankesa nga asnjë subjekt politik lidhur me rezultatet e mbrëmshme të numërimit të 1806 pako të fletëvotimeve të ardhura nga diaspora.
E mos paraqitja e ankesave nga subjektet politike për këtë proces i hap rrugë publikimit të rezultateve përfundimtare të zgjedhjet të parakohshme parlamentare të 6 tetorit.
Kryesuesi i sekretariatit të Panelit Zgjedhor për Ankesa dhe Parashtresa, Mul Desku për KosovaPress, ka deklaruar se nuk kanë pranuar asnjë ankesë nga subjektet politike lidhur me rezultatet e pakove të fletëvotimeve të diasporës që u numëruan mbrëmë pas miratimit të ankesës së Lëvizjes Vetëvendosje nga Gjykata Supreme.
“Deri në këto momente kur po flasim nuk është paraqitur asnjë ankesë nga subjektet politike lidhur me rezultatet e komunikuara mbrëmë nga numërimi i 1806 fletëvotimeve të ardhura nga diaspora. Shpresojmë që nesër të bëhet e ditur rezultatet përfundimtare të zgjedhjeve të 6 tetorit”, u shpreh Desku.
Edhe nga Gjykata Supreme kanë bërë të ditur përmes emailit për KosovaPress, se deri tani nuk kanë pranuar ankesë tjetër lidhur me procesin e numërimit të votave të zgjedhjeve parlamentare.
“Ju njoftojmë se pas ankesës së fundit të pranuar me datë 04.11.2019 nga subjekti politik LVV për të cilën me datë 05.11.2019 Gjykata Supreme ka nxjerr një vendim, deri në momentin e përpilimit të kësaj përgjigje nuk kemi pranuar ndonjë ankesë tjetër lidhur me procesin numërimit të votave të zgjedhjeve parlamentare”, thuhej në shkresën e Supremes.
E në Komisionin Qendror të Zgjedhjeve i kanë thënë KosovaPress-it, se do t’i shpallin rezultatet përfundimtare gjatë ditës së enjte, nëse nuk do të ketë ankesa brenda 24 orëve në PZAP lidhur me administrimin e numërimit në Qendrën e Numërimit dhe Rezultateve.
Kështu ka thënë për KosovaPress, zëdhënësi i KQZ-së, Valmir Elezi, sipas të cilit Komisioni Qendror i Zgjedhjeve do të veprojë në përputhje me ligjin për zgjedhjet e përgjithshme lidhur me shpalljen e rezultateve përfundimtare.
“Ligji për zgjedhjet e përgjithshme e lejon mundësinë që të bëhet ankesë brenda 24 orëve në PZAP lidhur me administrimin e numërimit në Qendrën e Numërimit dhe Rezultateve. Prandaj, duke e ditur se të martën rreth mesnatës është përmbyllur procesi i numërimit të fletëvotimeve sipas vendimit të Gjykatës Supreme, KQZ-ja është e obliguar që të respektojë këtë afat ligjor. Ashtu siç ju kemi informuar, KQZ-ja do të komunikojë me institucionet përkatëse për të marrë konfirmim se nuk kanë ndonjë çështje në shqyrtim dhe pastaj do të mund të shpall rezultatet përfundimtare të këtyre zgjedhjeve. Nëse nuk do të ketë ankesa brenda këtij afati, Komisioni Qendror i Zgjedhjeve do t’i shpall rezultatet përfundimtare gjatë ditës enjte”, ka thënë ai.
Ditë më parë, KQZ-ja nuk kishte proceduar për votim në QNR këto pako me fletëvotime, teksa Lëvizja Vetëvendosje fillimisht ishte ankuar në PZAP, e cila ankesën e kishte vlerësuar si të pabazuar.
Për këtë arsye, kjo parti dje ka dorëzuar ankesën tjetër në Gjykatën Supreme, e cila mori vendim për numërimin e 1806 pakove me fletëvotime nga mërgata.
Lufta Prigozhin - Putin
Më shumëTension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Ju kemi njohur para lufte...ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri
Historia e pabesueshme e ‘heroit’ që mposhti PSG-në: Pseudonimin e mori për shkak të dhëmbëve, deri në moshën 30-vjeçare ishte në kategorinë e dytë
U tha se do të vinte në Shqipëri për t'u takuar me Heidin në Big Brother - Massimiliano Varrese vjen me një mesazh në shqip
Autobusi i PSG-së e la Mbappen në stadium pas humbjes nga Dortmundi, në aeroport shkoi me transport privat
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit