Kurti takon artistë e sportistë, flasin për programe në art e kulturë

Lideri i Lëvizjes Vetëvendosje, Albin Kurti, ka takuar artistë, njerëz të kulturës e sportistë. me të cilët ka biseduar për programin e tij qeverisës në art e kulturë.

Kurti në një postim në llogarinë e tij në Facebook ka shkruar se me ide të mira e programe gjithëpërfshirëse, përcaktime të qarta dhe vullnet të paepur, do ta ndërtojnë shtetin për të gjithë.

“Sonte takova artistë, njerëz të kulturës e sportistë. Ishte mbrëmje shumë e këndshme. Në mesin e tyre ndjehesh më kreativ e me më shumë kondicion. Të dyja këto të domosdoshme për Qeverisjen tonë të mirë. Ju falemnderit të gjithëve që jeni pranë nesh.
Ne duam më shumë art në kulturë dhe më shumë art që bëhet kulturë. Duam edhe më shumë sport, sepse duam më shumë argëtim e shoqërim dhe më pak sëmundje e pasivitet.
Me ide të mira e programe gjithëpërfshirëse, përcaktime të qarta dhe vullnet të paepur, bashkë do ta ndërtojmë shtetin për të gjithë e do ta përparojmë shoqërinë e të gjithëve”, ka shkruar ai në Facebook./Telegrafi/