Super-makina e veçantë japoneze me të gjitha pjesët e punuar nga materialet e ricikluara

Pesha e kësaj makine është shumë më e lehtë, sepse janë larguar të gjitha pjesët e rënd metalike

Të gjitha makinat në Tokyo Motor Show kanë qenë të nivelit të kënaqshëm, qoftë nëse vinin nga prodhues të famshëm apo shumë pak të njohur, transmeton Telegrafi.

Mirëpo, në mesin e tyre ishte edhe super-makina e veçantë japoneze, me të gjitha pjesët e punuara nga materiale e ricikluara, që ngjante sikur një Lamborghini apo ndonjë pasardhës i Acura NSX.

Ky është koncepti Nano Cellulose i zhvilluar në mënyrë teknologjike nga një konsorcium prej 22 universiteteve japoneze, institute hulumtuese dhe korporata furnizuese, si dhe me mbështetjen e Ministrisë së Ambientit të Japonisë.

Derisa dukja bie në sy më së shumti, materiali që është përdorur për ta prodhuar atë është e bën shumë më të rrallë dhe speciale.

Metalin, plastikën, fibrat e xhamit dhe ta karbonit, janë zëvendësuar me materialin cellulose nanofiber – material i lehtë i punuar me teknologjinë e lartë, me material të marrë nga drunjtë apo riciklimi i materialeve nga agrikultura.

Shfrytëzimi i këtij materiali në panele, dyer, tavan dhe pjesën e përparme, është 50 për qind më i lehtë se materialet që përdoren zakonisht, ndërsa pesha e përgjithshme e makinës është ulur për dhjetë për qind.

Dizajni që ka kjo makinë, është mjaft mbresëlënës, me dyer që hapen lart, drita të zgjatura, si dhe pjesë shumë të fryra, që e bëjnë të duket shumë mirë. /Telegrafi/