Sektori i automobilave në Gjermani pritet të hyjë në krizë ekonomike

Sipas një studimi nga Dhoma Gjermane e Tregtisë dhe Industrisë, sektori i automobilave në Gjermani, pjesë kryesore e suksesit të eksporteve të vendit, pritet të hyjë në krizë.

Ndërkohë që sektori duhej të investonte shuma të mëdha parash për automjete elektrike, kushtet e dobëta të tregut po ndikonin negativisht në të ardhurat.

“Situata aktuale e biznesit dhe pritjet për 12 muajt e ardhshëm në sektorin e automobilave dhe kompanitë furnizuese të saj kanë rënë ndjeshëm”, deklaron DIHK në një studim.

Studimi tregon se vlerësimet për situatën aktuale për prodhimin e automjeteve kanë rënë për të katërtën herë radhazi duke arritur vlerën më të ulët në 10 vjet.

Lexo po ashtu Gjermania në prag të recesionit ekonomik

Ekonomia gjermane është në prag të një recesioni. Prodhimi i Brendshëm Bruto ka gjasë të bie përsëri në tremujorin e tretë. Kështu, Gjermania zyrtarisht do të binte në një recesion teknik.

Aktualisht, përdorimi i kapaciteteve të firmave është përafërsisht në përputhje me mesataren e tyre afatgjatë. Një recesion i theksuar do të ndodhte vetëm nëse shfrytëzimi i kapacitetit do të binte dukshëm më tej. /Telegrafi/