Koalicioni Nisma-AKR-PD tërheqin komisionerët nga QNR, shkaku i votave nga Serbia

Koalicioni NISMA-AKR-PD kanë larguar nga Qendra për Numërim dhe Rezultate (QNR), të gjithë vëzhguesit.

Kjo është bërë e ditur nga anëtari i NISMËS, Skender Reçica.

Ai një një konferencë të thirrur për media tha se largimi i vëzhguesve po ndodhë sepse në QNR do të bëhet numërimi i votave të jashtëligjshme, transmeton Telegrafi.

Lexo po ashtu DnV: Zarfet e ardhura nga Serbia të verifikohen vetëm pas garantimit të shëndetit të personelit të KQZ-së

“Jemi këtu për faktin se në këto momente pritet të fillojë numërimi i jashtëligjshëm i votave të ardhura nga Serbia. Dhe të cilat janë në kundërshtim me ligjin zgjedhor i cili përcakton qartë procedurat se si duhet votuar me postë. Jemi këtu për të tërhequr të gjithë vëzhguesit e koalicionit NISMA-AKR-P, për faktin se nuk dëshirojmë të bëhemi pjesë e një procesi të numërimit të votave të cilat janë të jashtëligjshme dhe kanë ardhur në rrugë ilegale të cilat për qëllim kanë dëmtimin e procesit zgjedhor në vend”, ka pohuar Reçica.

Lexo po ashtu KQZ: Vijon procedimi i i zarfeve nga Serbia, ato tashmë nuk paraqesin ndonjë rrezik

Ai bëri thirrjes KQZ-së që të ushtrojë mandatin kushtetues dhe të merr vendim të ndërpres këtë proces.

“Ky proces i numërimit të votave të jashtëligjshme dëmton vullnetin e 40 mijë votuesve të cilët kanë votuar koalicionin NISMA-AKR-PD”, tha ai./Telegrafi/