Bebe Rexha në mbështetje të kauzave kundër ngacmimit të të rinjve të komunitetit LGTBI

Këngëtarja shqiptare me famë ndërkombëtare, Bebe Rexha, është gjithmonë në përkrahje të fansave të saj.

Së fundmi, ajo ka marrë pjesë në një event të organizuar në Los Angeles, nga kompozitori Justin Tranter, në atë që njihet si “Dita e shpirtit” më 17 tetor.

Qëllimi i këtij eventi, është për të marrë një qëndrim kundër ngacmimit dhe mbështetur të rinjtë e komunitetit LGTBI.

Bebe Rexha publikoi në rrjetin social Instagram disa fotografi nga kjo ndejë, ku është dukur mjaft tërheqëse në ngjyrën vjollcë.

Ajo ka interpretuar për të pranishmit disa këngë ‘live’ të repertoarit të saj, të cilat përcjellin mesazhe të forta për shoqërinë.

“Jam kaq krenare për shokun tim më të mirë Justin Tranter, për vendosjen e një ngjarje të mahnitshme mbrëmë për të mbështetur “Glaad”. Sot, 17 tetori është #SpiritDay – merreni zotimin tuaj tani në www.glaad.org/spiritday për të marrë një qëndrim kundër ngacmimit dhe mbështetur të rinjtë LGTBI”, ka shkruar Bebe Rexha në Instagram.

View this post on Instagram

So proud of my bestie @tranterjustin for putting on an amazing event last night to support @glaad. Today October 17th is #SpiritDay – take the pledge now at www.glaad.org/spiritday to take a stand against bullying and support LGTBQ youth. WEAR PURPLE TODAY!!!!!!!!

A post shared by Bebe Rexha (@beberexha) on Oct 17, 2019 at 9:52am PDT

Përndryshe, projekti i fundit muzikor i artistes shqiptare u publikua vetëm pak ditë më parë, kënga “You Can’t Stop the Girl”, e cila është edhe kolona zanore e filmit të shumëprit nga Disney, “Maleficent 2”. /Telegrafi/