Më 26 shtator 2019, Misioni i OSBE-së në Kosovë përmbylli forumin rinor katër ditor që u mbajt në Hotel International në Prishtinë.
Në njoftimin e bërë për media nga OSBE në Kosovë, thuhet se forumi rinor mblodhi 90 studentë të juridikut dhe fakulteteve tjera dhe aktivist të rinj nga komunitete të ndryshme etnike dhe fetare. Synimi i tij ishte promovimi i lidershipit dhe aktivizmit rinor për çështje të të drejtave të njeriut në Kosovë, si dhe zgjerimi i vetëdijesimit për çështjet me të cilat ballafaqohet rinia, duke përfshirë pengesat për pjesëmarrjen e tyre në politikë.
“Gjatë forumit u mbajtën tri seanca plenare, punëtori dhe trajnime të shumta, përfshirë edhe Trajnim për Trajnues, si dhe diskutime nga ekspertë rajonalë dhe aktivitete ekipore. Folësit ishin nga organizata ndërkombëtare, Ombudspersoni, OJQ-të, strukturat politike lokale dhe gjyqtarë, dhe reflektuan mbi atë se si organizatat rinore dhe puna rinore mund t’i fuqizojnë të rinjtë që të krijojnë dhe të mbajnë një shoqëri të qëndrueshme demokratike, ku promovohen kulturat dhe identitetet e ndryshme dhe mundësitë e barabarta.
Gjatë katër ditëve të Forumit, u mbajtën seanca dhe ligjërata të ndryshme për shumë çështje të ndërlidhura me rininë në Kosovë, duke filluar nga barazia gjinore, ku u ngritën çështje të rëndësishme përkitazi me gratë dhe të drejtat pronësore, e deri tek pjesëmarrja rinore në proceset politike dhe si institucionet mund të veprojnë si lehtësues. Nën drejtimin e ekspertëve, pjesëmarrësit u angazhuan në diskutime produktive për këto tema nëpër punëtori ndërvepruese të dizajnuara enkas për të inkurajuar dhe nxitur debat dhe inspirim. Krahas kësaj, u mbajtën edhe aktivitete të ndryshme të ndërtimit e zhvillimit ekipor gjatë mbrëmjeve, ku u përfshinë vizitat në lokalitetet kulturore, lojë me birila dhe një koncert me muzikë të gjallë. Të mërkurën, pjesëmarrësit vizituan Novoberdën dhe mësuan për rëndësinë e saj historike dhe nevojën për të ruajtur lokalitetet e trashëgimisë kulturore”, thuhet në njoftim.
Në seancën përfundimtare, Shefi i Misionit të OSBE-së në Kosovë, Ambasadori Jan Braathu, e theksoi nevojën që rinia kosovare të jetë lider në zhvillime. “Për ndryshim të qëndrueshëm, nevojitet mendësi e re. Kjo mendësi e re na vjen nga ju. Puna jonë është të ju dëgjojmë dhe të përpiqemi të lehtësojmë zbatimin e ideve të juaja, si dhe të jemi këtu për ju ndërkohë që përpiqemi t’i rregullojmë dhe t’i lehtësojmë gjërat për të gjithë ne në Kosovë,” tha ai.
Misioni i OSBE-së në Kosovë ka për mandat mbrojtjen dhe promovimin e të drejtave të njeriut dhe të drejtave të komuniteteve, si dhe demokratizimin dhe zhvillimin e sektorit të sigurisë publike. Misioni mbetet i përkushtuar në punën e tij përkrah të rinjve që t’ju ndihmojë të bëhen lider të ndryshimeve pozitive në mjedisin ku jetojnë. /Telegrafi/
Promo
Reklamo këtuLufta Prigozhin - Putin
Më shumë“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe