Mourinho: De Geas iu mbyllën dyert, prandaj e nënshkroi marrëveshjen me Unitedin

Jose Mourinho ka thënë se David de Gea nuk e ka merituar kontratën e re nga Manchester Unitedi shkaku i formës së dobët.

Spanjoll ditë më parë e nënshkroi kontratën katërvjeçare me Djajtë e Kuq, që do ta mbajë atë në Old Trafford deri në vitin 2023.

Portieri 28-vjeçar u transferua nga Sir Alex Ferguson ën vitin 2011, e që deri më tani ka qëndruar tetë vite në klub, derisa e ardhmja e tij ishte në dilemë.

“Unë mendoj se në momentin që ai e ka nënshkruar atë kontratë të majme, Unitedi nuk do të duhej t’i ofronte një pagë të lartë”, ka thënë Mourinho në një intervistë për Sky Sports.

“Para një apo dy vitesh, ai e kishte të gjithë botën mbrapa vetës, në këtë moment, kur ai e ka nëshkruar atë kontratë të pabesueshme, mendoj se të gjitha dyert janë mbyllur”.

Lexo po ashtu Zyrtare: De Gea e vazhdon kontratën te Unitedi

“Dera e Real Madridi është e mbyllur pasi ata e kanë Thibaut Courtoisin, Barcelona e ka Marc-Andre Ter Stegen, Paris Saint-Germain ka marrë Keylor Navasin, andaj ai e ka parë që nuk mund të shkojë askund”, ka shtuar më tej strategu portugez.

De Gea nuk është në formë e tij të lartë në këto sezonet e fundit, mirëpo Unitedi nuk dëshironte që ai të largohej. /Telegrafi/