Bebe Rexha i gëzohet dhuratave të Kim Kardashianit

Artistja shqiptare me renome botërore, Bebe Rexha, po vazhdon suksesshëm turneun e saj muzikor me Jonas Brothers.

Këto ditë, ajo ka pasur disa ditë pushim nga turneu, dhe pasi është kthyer në shtëpinë e saj, ka gjetur plot dhurata nga personazhet e famshëm.

Duke qenë se këtë javë është organizuar Java e Modës në New York, shumë prej markave të njohura botërore kanë shpërndarë në formë dhurate disa nga produktet e tyre për të famshmit.

E një ndër ta është Kim Kardashian, e cila nuk ka hezituar që t’i dërgojë artistes shqiptare një dhuratë nga koleksioni i saj më i ri i syzeve.

E lumtur për këtë dhuratë, Bebe Rexha, publikoi në InstaStory një video të syzeve dhe pakove të dhuruara, teksa ka etiketuar në mbishkrimin e saj Kimin, duke iu falënderuar.

Në anën tjetër, Kim Kardashian, ka rishpërndarë në InstaStory postimin e artistes shqiptare, e cila është ndjerë falënderuese nga dhuratat e Kardashianit.

Bebe Rexha përndryshe ruan rasporte shumë të mira me familjen Kardashian-Jenner, teksa jo të pakta kanë qenë bashkëpunimet e saj me grimerin personal të Kimit, shqiptarin Mario Dedivanovic. /Telegrafi/