LSDM do ta mbështesë shkarkimin e Katica Janevës

“Deputetët e LSDM-së në seancën e nesërme kuvendare do ta mbështesin shkarkimin e Katica Janevës, por jo për punën e paligjshme, por për punën joprofesionale dhe të pandërgjegjshme”.

Këtë e tha sot kryeministri Zoran Zaev në një intervistë për TV Sitel, përcjell Telegrafi Maqedoni.

“Aq është e palogjikshme ajo që në “Haraçi” dikush ka qenë i involvuar prej njerëzve të afërt të Zaevit dhe prandaj nuk po shkarkoheshka Katica Janeva, njëra me tjetrën nuk kanë lidhje. Që Kuvendi të mos i frenojë veprimet me kërkesë të Këshillit të prokurorëve, atë edhe do ta bëjë. Sugjerimin tonë e dhamë edhe me shkrim se do ta mbështesim Parlamentin, por jo për punë të paligjshme por për punën joprofesionale dhe të papërgjegjshme”, theksoi Zaev.

Sipas tij, mandati i Janevës skadon më 15 shtator, ndërsa Kuvendi nuk guxon të jetë arsye dhe pengesë në procedurë.

Zaev e përsëriti se ai e denoncoi rastin “Haraçi”, ndërsa Prokuroria është tërësisht e lirë dhe procedura po udhëhiqet në mënyrë shumë transparente.

“Dëshiroj që procedura të përfundojë sa më parë. Ekzistojnë ligje në shtet dhe duhet të veprohet. Unë jam i kënaqur pasi më nuk ka ndikim mbi gjyqësinë”, potencoi Zaev./Telegrafi/