Ishte viti 1989 dhe një profesor vizionar e i dashuruar me Shekspirin u ngrit në këmbë mbi tryezë, për t’i kujtuar vetes dhe nxënësve të tij se duhet që gjithmonë t’i shohim gjërat nga këndvështrime të ndryshme: “Pikërisht atëherë kur mendoni se dini diçka, duhet ta shihni nga një tjetër pikëvështrim. Ngjituni lart bashkë me mua. Duhet ta provoni bijtë e mi; duhet të luftoni për të gjetur zërin tuaj. Sa më vonë që të filloni, aq më i madh është rreziku që të mos e gjeni fare. Mos u dorëzoni. Guxoni të ndryshoni. Kërkoni rrugë të reja”.
Profesor Keating, alias Robin Williams, u bënte thirrje studentëve që të kapnin momentin, të kultivonin ëndrrat e tyre, ta fusnin jetën e tyre në binarët e përzgjedhur në mënyrë autonome dhe jo të imponuar nga të tjerët.
Vetëm një tjetër vizionar, si Steve Jobs, do të përsëriste 16 vjet më vonë atë emocion në mendjet e studentëve, në një fjalim tejet karizmatik, këtë herë jo të një heroi të letërsisë, por një menaxheri që sfidonte të rinjtë që të dëgjonin historinë e tij të suksesit, me fjalinë e famshme: Jini të uritur, jini të “çmendur”.
Ka filma që ndryshojnë jetën e atyre që i realizojnë dhe atyre që i shohin dhe “Shoqëria e poetëve të vdekur” që regjisori Peter Weir e vendos në një kolegj të zymtë të Vermontit në vitet pesëdhjetë të shekullit të kaluar, është një prej tyre, edhe pse ndonjë kritik i gjithëditur i kohës e ka quajtur si shumë të sheqerosur (“Isha kaq i prekur, sa në fund doja të villja”, shkruante atëherë Roger Ebert).
“Shoqëria e poetëve të vdekur” flet për pasionin dhe kreativitetin dhe, siç rrëfente Williams, prekte njerëzit që kishin fatin ta ndeshnin në rrugën e tyre.
Bipolar, viktimë e alkoolit dhe drogave për periudha të gjata të jetës së tij… edhe pse edhe në momentet më të errëta, Williams nuk e humbiste ironinë dhe gjente rrugëdalje përmes batutave: “Kokaina është mënyra e Zotit për të të thënë se po fiton shumë para”. Ai iku nga kjo botë në gusht të vitit 2014, ndoshta i vetëvrarë, ndoshta i mbytur nga palumturia e tij prej komiku të trishtuar. /Përgatiti: bota.al/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Në mesin e tyre edhe një britanik 'shumë i rrezikshëm' – zbulohen detaje rreth arratisjes së pesë të dënuarve nga burgu i sigurisë së lartë në Portugali
Vjen reagimi i Edon Zhegrovës pas përjashtimit nga kombëtarja e Kosovës
Ronaldo befasoi me zgjedhjen e tij kur përmendi lojtarin më të mirë që ka parë ndonjëherë
Ulje drastike e temperaturave - të martën pritet shi e rrufe
Osmani: Amerika nuk po kërkon ta mbajmë Urën e Ibrit mbyllur, por ta vendosim datën e hapjes bashkë
Balena, miu i ngordhur, macja dhe pëllumbi – historitë se si kafshët janë përdorur për të spiunuar