Ish-deputeti i Kuvendit të Kosovës, Faton Topalli ka bërë të ditur se nuk do të kandidojë për deputet të Kuvendit.
Topalli përmes një postimi në Facebook, ka thënë se arsyet e moskandidimit të tij janë personale.
“Unë do të vazhdojë të jem pjesë e Partisë Socialdemkrate, të cilës ia kam falur gjithë besimin tim dhe prej së cilës jam emëruar drejtues i Shtabit Zgjedhor për Ferizaj dhe drejtues i Shtabit Rajonal për zgjedhjet e vitit 2019. Pra, do të jem 100% në shërbim të Kosovës, 100% në shërbim të PSD-së”, ka shkruar Topalli.
Postimi i plotë:
Nuk do të jem kandidat
Tani kur po përpilohen listat e partive politike për deputetë, dua t’iu njoftojë që nuk do të jam pjesë e listës së koalicionit PSD-AAK. Arsyet e moskandidimit tim janë personale. Unë do të vazhdojë të jem pjesë e Partisë Socialdemkrate, të cilës ia kam falur gjithë besimin tim dhe prej së cilës jam emëruar drejtues i Shtabit Zgjedhor për Ferizaj dhe drejtues i Shtabit Rajonal për zgjedhjet e vitit 2019. Pra, do të jem 100% në shërbim të Kosovës, 100% në shërbim të PSD-së.
Prej 41 vitesh të aktivitetit tim politik, në pak më shumë se 6 prej tyre kam qenë deputet. Shumë politikanë thonë se e duan vendin, por realisht nuk i duan njerëzit. E, kush nuk i do njerëzit, nuk mund ta dojë vendin. Unë i dua njerëzit, dhe kjo është çfarë më ka shtyer të angazhohem politikisht. Angazhimi politik në shumicën e aktivitetit tim ka qenë jashtë institucioneve dhe vazhdimisht në mbështetje të opozitës. Mua më pëlqen më shumë të jem mes njerëzve, aty ku politika zhvillohet; në fshat, në lagje, në projekte sociale. Jo domosdoshmërisht në Kuvend. Kjo është çështje personale dhe shpresoj në mirkuptim.
Prej vitit 2011 në Lëvizjen Vetëvendosje! dhe prej vitit 2018 në PSD, kam bërë më shumë se 600
udhëtime me aeroplan, respektvisht rreth 720 000 kilometra rrugë me para të mia; ndërsa në tri
legjislatura kam bërë vetëm një udhëtim pune jashtë vendit me paratë e buxhetit të Republikës së
Kosovës. Të qenurit deputet nuk më ka pasuruar, përkundrazi më shkaktoi humbje të mëdha materiale të cilat i kam bërë me shumë kënaqësi. Paga si deputet ka qenë paga më e ulët që kam marr ndonjëherë në jetën time. Pra, në asnjë rast nuk kam pasur synim të përfitojë nga angazhimi im politik e institucional.
Në legjislaturën e katërt kam qenë nënkryetar i Komisionit për Bujqësi, në legjislaturën e pestë
Kryetar i Komisionit për Mbikqyrjen e Financave Publike dhe në legjislaturën e gjashtë isha kryetar i Komisionit për Mbikqyrjen e AKI-së. Për më shumë se 6 vite kam qenë zë i qytetarëve pa zë; filluar prej çështjeve të të drejtave të punëtorëve, çështjeve sociale, problemeve të mërgatës, kartonit të gjelbër, përpilues i amandamenteve të ndryshme dhe sponzorizues ligjesh. Në PSD kam vazhduar t’i kryesojë ato tema të cilat i kam ngritur edhe në LVV. Unë i falënderoj të gjithë ata miq të mi të sinqertë, që më mbështetën në rrugtimin tim si pjesë e Lëvizjes Vetëvendosje! dhe të gjithë ata aktivistë që më ndihmuan dhe mbështetën në Partinë Socialdemokrate. Jam përpjekur dhe shpresoj që ia kam dale të jape kontribut të çmuar siç i takon një deputeti.
Ndarja me Lëvizjen Vetëvendosje! qe e dhimbëshme. Shumë qytetarë ma kanë thënë që janë zhgënjyer nga të dy palët. Edhe unë, duke pasur parasysh investimin fizik, mendor e material prej vitit 2011 deri në vitin 2018, jam ndër ata që janë zhgënjyer më së shumti. Gjatë kësaj kohe më kanë sharë, fyer, më kërcënuan mua dhe fëmijët e mi, më etiketuan me 1000 epitete, e nuk lane gjë të ulët pa bërë. Por, nuk ma thanë asnjë argument, qoftë edhe një të vetëm, se në cilat tema kam tradhëtuar votuesit e mi. Kjo më bëri krenar dhe në të njejtën kohë më ka mërzitur për nivelin politk të disa bashkëudhëtarëve të mi. Sidoqoftë unë mund ta shikojë secilin prej tyre në sy, derisa shumë prej tyre ulin sytë kur kalojnë pranë meje.
Uroj që legjislatura e shtatë të jetë më e mirë se kjo e fundit. Uroj që kjo legjislaturë të jape shembullin që PSD po tenton ta instalojë në politikë: debatin pa sharje e fyerje, debatin konstruktiv dhe sjelljen me etikë e integritet.
Edhe një herë faleminderit për mbështetjen dhe mirëupafshim në betejat e reja politike! /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ndërtimi i urës mbi lumin Sitnica në Lipjan, nënshkruhet memorandumi në vlerë 370 mijë euro
FMN: I drejtë taksimi i profesionistëve të lirë në Shqipëri, institucionet të koordinojnë zbatimin
Transporti publik në Shkup nesër sipas itinerarit të së dielës, teleferiku nuk do të punojë
Mbi 1 milion qytetarë të regjistruar deri më tani në Kosovë
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Gjendet trupi i fëmijës së tretë të mbytur në Lumin Bunë, vazhdojnë kërkimet për Alma Arrazin
Shtatë xhaketa të ushtrisë, fishekë e radio lidhje – Policia njofton se çfarë u gjet në shtëpinë e të dyshuarit që sulmoi Policinë dhe KFOR-in
Çfarë pyetje u bëhen qytetarëve në diasporë për regjistrim?
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'