Haradinaj: Koncepti 100% shtet, nuk është retorikë zgjedhore

Kreu i AAK-së, Ramush Haradinaj, së bashku me kryetrin e Gjakovës, Ardian Gjini, kanë parë nga afër dinamiken e punimeve, që po zhvillohen në rrethrrotullimin e daljes nga Gjakova për Prizren, ndërtimin e shtratit të lumit Krena dhe në rrugën që çon nga qyteti i Gjakovës për Prishtinë.

Haradinaj në një postim në llogarinë e tij në Facebook ka shkruar se projekti i autorrugës së Dukagjinit, të cilën qeverisja e Aleancës do ta bëjë realitet, radikalisht do ta ndryshojë pozitën ekonomike të Gjakovës.

“Investimet në Gjakovë po ndryshojnë fuqishëm pozicionin ekonomik të saj! Vlera e investimeve në Gjakovë gjatë kësaj qeverisjeje është shumë herë më e lartë se të gjitha ato që kanë ndodhur për dy dekada. Sot, sëbashku me kryetarin Ardian Gjini pamë nga afër dinamiken e punimeve, që po zhvillohen në rrethrrotullimin e daljes nga Gjakova për Prizren, ndërtimin e shtratit të lumit Krena dhe në rrugën që çon nga qyteti i Gjakovës për Prishtinë. Projekti i autorrugës së Dukagjinit, të cilën qeverisja e Aleancës do ta bëjë realitet, radikalisht do ta ndryshojë pozitën ekonomike të Gjakovës. Koncepti 100% shtet është koncept pune dhe zhvillimi, jo retorikë zgjedhore”, ka shkruar ai.

Ai po ashtu ka takuar edhe strukturat e AAK-së në Gjakovë, ku tha se gjatë qeverisjes dy vjeçare, kanë marrë drejtim politik, që temat e shtetësisë të vendosën në Kosovë.

Ndër të tjera ai ka thënë se përcaktimi i gjërë qytetar për konceptin 100% shtet, si trashëgimi e një qeverisjeje të guximshme dhe vepruese në vendimmarrje sovrane, i hapë përspektivë epokës së ekonomisë.

“Gjatë kësaj qeverisje dy vjeçare, kemi marrë drejtim politik, që temat e shtetësisë të vendosën në Kosovë. Përmbyllja e konsolidimit të brendshëm, fuqizon vendin në planin rajonal dhe atë ndërkombëtar. Përcaktimi i gjërë qytetar për konceptin 100% shtet, si trashëgimi e një qeverisjeje të guximshme dhe vepruese në vendimmarrje sovrane, i hapë përspektivë epokës së ekonomisë, duke krijuar kushte për jetë dinjitoze për të rinjtë, në vendin e tyre. Me strukturat e AAK-së në Gjakovë, sot, më të fortë se kurrë në veprim dhe frymën për fitore”, ka shkruar ai./Telegrafi/