Gashi sqaron incidentin me fansin që ndodhi në festivalin “Sunny Hill”

Reperi i njohur shqiptar, Gashi, performoi në natën e dytë të festivalit “Sunny Hill” më 3 gusht.

Ai dhuroi spektakël para mijëra fansave, ndërsa në media u përfol për një incident të vogël, në momentin kur ai udhëtoi në turmën e fansave.

Bëhet fjalë për momentin kur thuhet se Gashi ofendoi një nga të pranishmit, teksa dyshonte se dikush i kishte vjedhur zinxhirin e artë që ai mbante në qafë.

https://www.instagram.com/p/B0rgRvZl9RY/

E për krejt këtë situatë, reperi ka reaguar përmes një shkrimi në InstaStory, duke treguar versionin e tij të ngjarjes.

“Çdo gjë që keni dëgjuar për performancen time në Sunny Hilll Festival nuk është e vërtetë. Po unë e quajta vaginë një fans.. po unë e humba dëgjimin kur një fans u mundua të më kapte për fytyre(ai ishte i emocionuar dhe unë e teprova me reagim)… po unë e quajta një sigurim lopë dhe i thash që të lëvizte (jo një fans), po zinxhiri im ra në tokë dhe disa fëmijë ma dhanë prapë. Kosova është vend i bukur dhe asnjë fëmijë nuk vjen në shou të vjedh. SunnyHill është super i sigurt dhe çdo artist duhet të ndihet si në familje kur ata janë aty. Unë i dua fansat e mi të vërtet përderisa ju reperet tjerë mundoheni të më sabotoni mua sepse unë jam artist i vërtet, unë shkruaj muzikën time vetë. Unë jam këtu për të qëndruar gjithmonë. Pyeti fansat e vërtet, jo disa repera që nuk kanë arritur asgjë. Nuk do të flas më për këtë pas kësaj”, ka shkruar Gashi në InstaStory.

I njëjti më pas ka publikuar bisedën me një fanse shqiptare, e cila në mungesë të parave për të blerë një nga bluzat e linjës që Gashi kishte sjell për shitje në Kosovë, ai ia kishte dhuruar paratë në vlerë prej 20 euro për ta blerë atë. /Telegrafi/