Në një lartësi mbi 1,500 metra vendi krijon një panoramë unike. Ndërsa bjeshkët e mëdha plot gjelbërim e bëjnë edhe më të veçantë.
Është fshati Debëlldeh i Vitisë, i cili ndodhet në pikën kufitare me Maqedoninë.
Hateme Ismajli, 74 vjeçare, ka kaluar pjesën më të madhe të jetës në këtë fshat. Ajo ka thënë se ky vend ka ndryshuar në masë të madhe, dhe ajo cfarë i ka mbetur e njëjtë, është vetëm natyra e bukur.
“Fshati ka qenë i mirë. Ujë me bollëk ka pasur. Rrugën na e asfaltuan. Rrymën e sollën. Nuk kemi pasur problem për të jetuar. Në të kaluarën mysafiri ka qëndruar pesë apo gjashtë net dhe kemi thirrur komshinjtë”, tregon për RTV Dukagjinin, Hateme Ismajli.
Me një klimë të freskët në të gjitha stinët, dhe një bukuri të rrallë, Dabelldeh është shpallur zonë turistike. Përveç shtëpive të banorëve të këtushëm, tashmë në këtë fshat ka të ngritura edhe vila, të cilat ua mundësojnë vizitorëve që të pushojnë.
Përfaqësuesi i fshatit Fazli Neziri, ka thënë se për këtë vend ka një interesim të madh prej shumë vizitorëve.
“Në këtë sezon kemi vizitorë nga Prishtina e Ferizaj që janë të interesuar për të blerë troje që më pas të ndërtojnë villa për pushim. Pra ka interesim për të ardhur dhe të banojnë përkohësisht në fshat, pasi klima është shumë e mirë”, shprehet Fazli Neziri.
Me t’u nisur në këtë fshat, lartësia sa shkon e rritet, ndërsa rrugët gjarpërore të dërgojnë në male të larta të cilat të impresionojnë me pamjen e tyre.
Sipas Nezirit, edhe pse ky vend ka pasur shpërngulje të mëdha, shumica nga ta, vijnë dhe i kalojnë vikendët këtu.
“Nuk ia vlen të shpërngulen banorët nga fshati. Fshati i ka të gjitha të mirat që i nevojiten një banori apo turisti. Megjithatë duhen investime për t’ia kthyer perspektivën. Në të kaluarën fshati ka pasur 2 mijë dele, sot nuk ka asnjë. Ka pasur edhe kafshë tjera si lopë e tjera 200-300, sot nuk i ka as 50 lopë fshati. Mungesë është ambulanta, por edhe kjo nuk po bëhet pasi po thuhet se nuk ka banorë mjaftueshëm”, deklaron më tej Fazli Neziri.
Mes bjeshkëve të larta, ajrit të freskët e qetësisë që të krijonte, Dabëlldeh të dërgonte përtej fantazisë.
Hateme Ismajli, ka thënë se pavarërësisht që dikur ishte jetesa e vështirë, ajo nuk është penduar që ka jetuar këtu, sepse sipas saj bukuritë e këtij fshati janë të pakrahasueshme. /RTV Dukagjini/Telegrafi/
Promo
Reklamo këtuLufta Prigozhin - Putin
Më shumëZhduket një 28-vjeçare në Ferizaj, familja kërkon ndihmën e policisë dhe qytetarëve për gjetjen e saj
Kurti, ambasadorëve të QUINT-it: Serbia, vitin e kaluar ka refuzuar nënshkrimin e Marrëveshjes Themelore
Hoxha: Duke e bllokuar Kosovën në KiE, Gjermania dhe Franca anojnë kah Serbia qartazi
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Iu bë atentat në Bruksel më 28 prill, ndërron jetë Agustin Kaza - dyshohet se u vra për gjakmarrje
DASH hedh poshtë pretendimet për Escobarin: Nuk është shkarkuar, do të emërohet në një pozitë tjetër sipas rrotacionit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'