Organizatat e shoqërisë civile kanë reaguar ndaj ftesës së kryeministrit në dorëheqje për mbledhjen e qeverisë, si dhe ndaj çdo vendimi të rëndësishëm që potencialisht mund të votohet nga kjo qeveri.
Sipas tyre, presidenti urgjentisht duhet të veprojë për të përmbushur obligimet kushtetuese drejt zgjidhjes së situatës.
“Qeveria në largim është pa legjitimitet të shtyjë përpara programin qeverisës, Presidenti urgjentisht duhet të veprojë për të përmbushur obligimet kushtetuese drejtë zgjidhjes së situatës. Ne – organizatat e shoqërisë civile – reagojmë fuqishëm ndaj ftesës së ish-Kryeministrit Haradinaj për mbledhje të Qeverisë së dorëhequr si dhe ndaj çdo vendimi të rëndësishëm që potencialisht mund të votohet nga Qeveria e dorëhequr”, thuhet në njoftim.
Ndërkaq, tutje në njoftim shtohet se qeveria në dorëheqje assesi nuk ka mandat qeverisës, që të vazhdojë me zbatimin e politikave të saj, sikurse ka paralajmëruar pikat për mbledhjen e radhës.
“Qeveria e dorëhequr prej datës 19 korrik 2019, nuk ka legjitimitet për të vazhduar me zbatimin e planit të saj qeverisës, dhe çdo tentim që gjatë kësaj kohe të merren vendime të rëndësishme, sepse bien në kundërshtim me parimet bazë të sundimit të ligjit dhe qeverisjes së mirë. Ftojmë ish-kryeministrin dhe Qeverinë në dorëheqje që deri në zgjedhjen e qeverisë së re, të kujdesen vetëm në ushtrimin e detyrave dhe përgjegjësive të domosdoshme për ta mbajtur funksionale administratën shtetërore, për të parandaluar vakumin institucional. Qeveria në dorëheqje assesi nuk ka mandat qeverisës, që të vazhdojë me zbatimin e politikave të saj, sikurse ka paralajmëruar pikat për mbledhjen e radhës së Qeverisë, sikurse të mos kishte ndodhur asgjë”, citohet në njoftimin e tyre.
Organizatat e shoqërisë civile po ashtu kanë bërë thirrje tek Prokuroria e Shtetit që të reagojë nëse ndërmerren veprime për nxjerrjen e vendimeve të rëndësishme ndaj secilit zyrtarë të lartë shtetërorë.
“Në këtë situatë në të cilën gjendet vendi, ne – organizatat e shoqërisë civile – kërkojmë nga Qeveria e dorëhequr që mos të ndërmerr asnjë veprim për nxjerrjen e vendimeve të rëndësishme, në të kundërtën për secilin vendim të dyshimtë, Prokurori i Shtetit duhet të veprojë në drejtim të ndjekjes të secilit zyrtarë të lartë shtetërorë, duke filluar prej Kryeministrit deri tek të gjithë Kabineti i Ministrave dhe zyrtarëve të tjerë publikë, të cilët e shfrytëzojnë situatën e krijuar për të marrë vendime të rëndësishme, të cilat mund të merren vetëm nga një qeveri legjitime”.
Ata po ashtu i kanë bërë thirrje edhe presidentit Thaçi të mos humb kohë, por të ndërmerr masa urgjente që në konsultim me partitë politike të shkojnë në drejtim të zgjidhjes për zgjedhjes e institucioneve legjitime.
“Ne – organizatat e shoqërisë civile – i bëjmë thirrje Presidentit të Republikës së Kosovës, Hashim Thaçi, që në kuptim të përmbushjes së obligimeve kushtetuese drejt garantimit të funksionimit kushtetues të institucioneve të përcaktuara me Kushtetutë, mos të humb kohë, por të ndërmerr masat urgjente që në konsultim me partitë politike të shkojnë në drejtim të zgjidhjes për zgjedhjen e institucioneve legjitime”, thuhet ndër të tjera në njoftimin e organizatave të shoqërisë civile.
Reagimi është mbështetur nga:
Instituti i Kosovës për Drejtësi – IKD
Instituti për Zhvillimin e Politikave – INDEP
Instituti i Kosovës për Politikat Evropiane – EPIK
Iniciativa për Progres – INPO. /Telegrafi/
Lufta Prigozhin - Putin
Më shumëNga Rubrika
Gjendet një person i cili ishte paraqitur i zhdukur në Vodno
Grafite “me përmbajtje të përçarjes”, shoqërohet në Polici i mituri në veri të Mitrovicës
Rrahje mes vëllezërve në Prishtinë e dhunë ndaj grave në disa rajone të Kosovës – raporti i plotë i policisë
A po kushtëzohet anëtarësimi i Kosovës në Këshill të Evropës me themelimin e Asociacionit?
Mentor Latifi emërohet ambasador i Kosovës në Zvicër
Vrasja në tentativë në Lupç të Podujevës, Policia jep detaje
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Kurti: Kosova e gatshme për statusin e kandidatit dhe hapjen e negociatave për anëtarësim në BE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit