Boeing humb tre miliardë dollarë pas aksidenteve të aeroplanëve 737 MAX

Prodhuesi amerikan i avionëve Boeing, ka shënuar një humbje prej rreth tre miliardë dollarësh amerikanë në tremujorin e dytë të këtij viti si rezultat i ndalimit të fluturimeve në nivel botëror të aeroplanëve të tipit 737 MAX.

Kompania tha se të ardhurat tremujore u rritën me 35 për qind, në 15.8 miliardë dollarë, krahasuar me 24 miliardë dollarët në të njëjtën periudhë të vitit të kaluar.

Ndërkohë, sektori komercial i Boeing ofroi vetëm 4.7 miliardë dollarë të ardhura në tremujorin e dytë, duke rënë ndjeshëm me 66 për qind nga 14 miliardë dollarë që u regjistruan në të njëjtën periudhë të vitit të kaluar, përcjell Telegrafi.

Boeing dërgoi 90 aeroplanë komercial gjatë tremujorit të dytë, me rreth 54 për qind në krahasim me atë të vitit të kaluar dhe kompania nuk ka ofruar asnjë avion të modelit 737 MAX për këtë tremujor.

Lexo po ashtu Boeing po e humb vendin e parë si prodhuesi më i madh i aeroplanëve në botë

Kompania amerikane Boeing po e humb pozitën e të qenit prodhuesi më i madh i aeroplanëve në botë, pas një rënie prej 37 për qind në shitjet, për gjysmën e parë të vitit.

Rënia ndodhi shkaku i debateve të zgjeruara për aeroplanët e saj më të shitur 737 MAX, dy prej të cilëve u rrëzuan për një periudhë të shkurtë kohore, duke lënë të vrarë 346 persona. /Telegrafi/