Përveç problemeve financiare, mungesa e punëtorëve të kualifikuar dhe teknologjia e vjetruar janë disa nga problemet më të cilat po përballet kombinati metalurgjik Trepça, thonë udhëheqës të kësaj ndërmarrje.
Drejtori menaxhues në Trepçë, Basri Ibrahimi, në një bisedë për Radion Evropa e Lirë thotë se janë duke bërë përpjekje maksimale që të kalohet kriza financiare, ndonëse siç thotë ai, problemet janë të shumta dhe të grumbulluara ndër vite.
Megjithatë, sipas tij, me një menaxhim më të mirë do të arrijnë të shtojnë prodhimin dhe brenda këtij viti do të stabilizohet gjendja financiare në Trepçë.
“Trepça ka qenë në një krizë duke pasur parasysh shumë faktorë, si pasiguria rreth statutit dhe problemet politike, por me Ligjin për Trepçën dhe statutin e aprovuar janë hapur rrugë që Trepça të ecë në drejtimin e duhur. Muajt e fundit prodhimi nuk ka qenë në nivelin e duhur, por jemi duke bërë përpjekje që ky prodhim të rritet, ne kemi përcaktuar një objektiv që deri në fund të vitit të arrijmë që pagat dhe shpenzimet tjera operative t’i mbulojmë nga prodhimet tonë pra nga puna e Trepçës”, thotë Ibrahimi.
Ai thekson se në Trepçë janë shumë probleme për të cilat nuk mund të gjendet zgjidhje e shpejtë, por se do të punohet në këtë drejtim dhe duhet të bëhen investime për të rritur prodhimin.
“Mungesa e punëtorëve të kualifikuar në minierë dhe teknologjia e vjetruar janë dy nga çështjet që kërkojnë zgjidhje të shpejtë. Qeveria e Kosovës dhe të gjitha institucionet do të na ndihmojnë në investimet kapitale për të avancuar teknologjinë që përdoret në miniera dhe flotacion dhe unë jam i bindur se vitin tjetër do të jetë një vit pozitiv për Trepçën dhe hapjes së perspektivës si shoqëri aksionare”, thotë ai.
Qeveria e Kosovës pati ndarë për paga të punëtorëve mbi dy milionë euro ndërsa për investime kapitale ka ndarë 1.3 milion euro, thotë Ibrahimi, që sipas tij, do të mjaftojnë në rifreskimin e teknologjisë dhe arritjen e objektivave.
Por, zhvillimet e fundit politike në vend si dorëheqja e kryeministrit të Kosovës, Ramush Haradinaj dhe zgjedhjet e eventuale të parakohshme që mund të mbahen do të ndikojnë në proceset e nisura për rimëkëmbjen e kësaj ndërmarrje.
Në letrën e dorëheqjes, kryeministri në dorëheqje Ramush Haradinaj kishte përmendur edhe Trepçën ku kishte thënë se kjo ndërmarrje është e gatshme për investime.
Trepça muaj më parë është regjistruar si shoqëri aksionare ku 80 për qind e aksioneve janë të Qeverisë së Kosovës dhe 20 për qind janë aksione të punonjësve të Trepçës.
Minatorë të kombinatit metalurgjik Trepça janë skeptik se mund të arrihet që ndërmarrja të dal nga kriza financiare në të cilën është futur.
Kryetari i Sindikatës së Punëtorëve të Trepçës, Shyqyri Sadiku, njëherësh anëtar i Bordit mbikëqyrës të Trepçës, thotë për Radion Evropa e Lirë se kjo ndërmarrje është duke kaluar në një fazë të vështirë financiare dhe se në këtë ndërmarrje është bërë menaxhim jo i duhur.
“Drejtori i ri ka premtuar se do të rris prodhimin dhe do të rimëkëmbë Trepçën deri në fund të viti, por realisht unë e shoh me skepticizëm për shumë arsye pasi që Trepça është e zhytur në borxhe të mëdha, tani vetëm mbi tre milionë euro i ka borxh operatorëve. Ne do të ishim më të lumtur nëse Trepça të rimëkëmbet, por sipas të gjitha gjasave me këtë prodhim aktual nuk po arrihet të sigurohen as pagat e punëtorëve”, thotë Sadiku.
Ai shton se prodhimi aktual në Trepçë është i ulët dhe atë vetëm deri në 10 mijë ton xehe në muaj me të cilët sipas tij, nuk arrihet të mbulohen pagat e rreth 1,300 minatorëve të kombinatit metalurgjik.
“Trepça ka nevojë për një menaxhim të mirë, për shkak të keqmenaxhimit, korrupsionit dhe nepotizmit, Trepça ka ardhur në këtë gjendje ku nuk po arrihet të sigurohen as pagat e minatorëve. Ka vonesa në pagesën e pagave. Me këtë prodhim nuk arrihen të mbulohen as shpenzimet dhe pagat e minatorëve”, shton ai.
Sipas të dhënave zyrtare, nga viti 1945 e deri në periudhën para vitit 1990, miniera prodhonte rreth 600 mijë tonë xehe në vit, kurse sot, nga aty nxirren jo më shumë se 150 mijë tonë xehe.
Kombinati metalurgjik Trepça, gjendet në Komunën e Mitrovicës. Sektorët e tij gjenden në pjesën veriore dhe atë jugore të qytetit. Përveç aseteve në Kosovë, 31 prona të këtij kombinati gjenden në republikat e ish-Jugosllavisë, duke përfshirë këtu fabrika, zyra dhe objekte tjera.
Trepça ishte në mesin e ndërmarrjeve më të mëdha në ish-Jugosllavi. /REL/
Promo
Reklamo këtuLufta Prigozhin - Putin
Më shumëÇka është rregulla 30:30:30:10 kur bëhet fjalë për financat dhe si duhet ta shfrytëzoni?
Vazhdon super oferta për Peugeot 2008 nga Mercom Company
Studio Infermierinë (Ausbildung) në Gjermani dhe fito pagë mujore gjatë studimeve
Kurrë s’e ke pas ma lehtë se me Telegrafi Jobs me gjetë punë!
A jeni gati për mbrëmjen e Maturës?
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'