Pacquiao fiton pas 12 raundeve ndaj të pamposhturit Thurman, rikthen titullin

Manny Pacquiao është bërë kampioni në WBA Super në moshën 40-vjeçare, duke fituar ndaj të pamposhturit në ‘welterweight’ apo peshë pak më e rëndë se e mesmja, Keith Thurman, me vendim të gjyqtarëve në ndeshjen e zhvilluar në Las Vegas.

Thurman u rrëzua në raundin e parë, por një luftë emocionuese dhe e fortë u zhvillua deri në fund.

Amerikani, 30-vjeçar, kishte kërkuar fitoren e tij të 30-të në karrierë, por nuk e arriti pasi Pacquiao ishte më i qëndrueshëm dhe fitoi.

Dy gjyqtarë favorizuan Pacquiaon duke dhënë rezultat 115-112, ndërsa tjetri dha rezultatin 114-113 në favor të Thurmanit.

Pacquiao – një kampion i botës në tetë pesha – po luftonte për herë të 71-të në një karrierë të shkëlqyer që ka parë shtatë humbje, por me katër nga ato humbje që vijnë në 11 ndeshjet e tij të fundit para takimit me Thurman.

Thurman kishte një avantazh në peshë dhe moshë mbi Pacquiaon, por po e ndiqte luftën që nga fillimi dhe filloi të rrjedh gjak nga hunda në raundin e pestë.

Ai u rikthye në mes të luftës, por Pacquiao ishte më i mirë duke fituar në disa nga raundet e fundit dhe ndeshjen.

Boksieri filipinez – një senator në atdheun e tij – tani mund të përballet me Amir Khan të Britanisë. Javën e kaluar ai mohoi pretendimet se një marrëveshje për një meç  në Arabinë Saudite ishte arritur tashmë për në nëntor.

Khan thotë se përballja ndaj Pacquiaos do të zhvillohet në Riad më 8 nëntor. /Telegrafi/

https://twitter.com/i4u955/status/1152806012761587713

congrats #pacquiao #PacquiaoThurman #bosing #champion pic.twitter.com/IFYT9qqfP7

— Angel Pascual (@diwatangel13) July 21, 2019

https://www.youtube.com/watch?v=yKKWaXBZW1Q&feature=share&fbclid=IwAR0UtZOt-YjkLOXGSWN4h4ARblmY2L19X1agmZw9wjsuwsC5T0RDCTAY8Bk