Ministrja e Integrimit Evropian Dhurata Hoxha u ka bërë sot thirrje deputetëve që të miratojnë sa më parë projektligjin për fondet IPA 2018 që arrijnë shumën prej 90.5 milionë euro e që do të shërbejnë për projekte të ndryshme kapitale për qytetarët e Kosovës.
Sipas njoftimit për media në Ekspozenë për “Projektligjin për Ratifikimin e Marrëveshjes Financiare IPA 2018, Ndërmjet Kosovës dhe BE-së”, para Komisionit Parlamentar për Integrim Evropian, Ministrja e Integrimit Evropian, Dhurata Hoxha, theksoi rëndësinë e këtij projektligji dhe procesimin e tij sa më të shpejt.
Anëtarët e Komisionit me në krye kryetaren Blerta Deliu Kodra, votuan për këtë projektligj që të procesohet me shumicë absolute të anëtarëve të komisionit duke shprehur unitet rreth çështjeve të interesit nacional pa dallime pozitë-opozitë.
Ministrja Hoxha raportoi si ka ardhur deri te Marrëveshja në fjalë dhe se çka përmban ajo.
“MIE ka kryer të gjitha procedurat, dhe marrëveshja financiare për IPA 2018 është negociuar, nënshkruar më 4 prill të këtij viti dhe më 18 qershor është miratuar projektligji për ratifikimin e saj në Qeveri, ndërsa tani është përcjellë te Kuvendi. Tani, në pritje të ratifikimit nga Kuvendi, ju kujtoj se afati përfundimtar për hyrjen e saj në fuqi është data 31 dhjetor 2019, në të kundërtën, fondet e dhuruara nga BE-ja, 90.5 milionë euro anulohen në mënyrë automatike. Së pari, në kuadër të demokracisë dhe qeverisjes, që ka shumën totale prej 5.8 milionë euro, do të përkrahet procesi i integrimit evropian, do të përkrahet skema e bursave për profesionistët e rinj, apo Young Cell për një rund, si dhe përkrahja për rimbursimin në masën 80% të shumës së pagesave të anëtarësimit të Kosovës në kuadër të programeve të BE-së për vitin 2019, përkatësisht: Evropa për qytetarët, Erasmus Plus, Evropa kreative dhe COSME”, theksoi Ministrja Hoxha.
Në njoftim thuhet se në kuadër të sundimit të ligjit dhe të drejtave fundamentale, do të ketë përkrahje për reformat në sektorin e drejtësisë dhe për të drejtat e komuniteteve në shumën prej 14 milionë euro. Ndërsa në kuadër të sektorit të energjisë, BE-ja parashihet të financojë 40 milionë euro, për rehabilitimin e termocentralit Kosovës B, përkatësisht ndërrimin e filtrave për pastrimin e ajrit të këtij termocentrali.
“Në kuadër të mjedisit, do të ndahen 11 milionë euro për të përkrahur menaxhimin e mbeturinave në komunat e Kosovës, ndërsa, për fushën e arsimit, punësimit dhe politikave sociale, përkrahja nga BE-ja do të mbërrijë në 19.7 milionë euro. Në këtë fushë do të përkrahet rritja e arsimit dhe qasja në arsim, duke ndihmuar infrastrukturën arsimore si dhe qasjen në tregun e punës nëpërmjet arsimit vokacional, si dhe mbështetja për bizneset fillestare, start-up.
Këto projekte- procedura e tenderimit dhe kontraktimit, potencoi Ministrja, do të kryhet nga ana e Zyrës së BE-së në Kosovë e cila është autoritet kontraktues dhe ftoi anëtarët e Komisionit ta procedojnë sa më parë për të hyrë sa më shpejt në fuqi që të mos ketë vonesa”, thekson njoftimi.
Ministrja në këtë raportim, iu drejtua edhe artistëve, të cilëve ua dha një lajm të mirë se nga Brukseli pritet të konfirmohet që fondet për ndërtim të sallës koncertale janë bartur ne vitin e ardhshëm për ndërtimin e saj.
“Pra, salla koncertale do të ndërtohet vitin e ardhshëm, nëse kryetari i komunës, Ahmeti ka vullnet dhe angazhohet që të gjej lokacionin e duhur për ndërtimin e sallës“, është shprehur ajo.
Sipas njoftimit ministrja Hoxha po ashtu dha shpjegime shteruese për kontratat e publikuara sipas procedurave ligjore, duke shpërndarë edhe kontratën origjinale të debatuar kohën e fundit me një kompani lobuese, të cilën ajo e ka nënshkruar dhe është valide, të bërë në pajtim të plotë me rregullat dhje ligjet në fuqi për Prokurimin publik, duke vlerësuar nevojat e MIE dhe Republikës së Kosovës për to.
Anëtarët e Komisionit Parlamentar për Integrim Evropian, parashtruan shumë pyetje, të cilave Ministrja ju përgjigj rreth IPA-s, procesit integrues, lobimit, fushatave të informimit etj. duke vlerësuar dhe çmuar kontributin e tyre./Telegrafi/
Promo
Reklamo këtuLufta Prigozhin - Putin
Më shumëNjë milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
25 vjet burgim për Enver Sekiraqën
Human Rights Network dënon sulmin e ministrit Murati ndaj mediave dhe shoqërisë civile
Vendosja e kamerave të sigurisë në veri, Elshani: Do të krijojmë një klimë të sigurisë më të madhe te qytetarët
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe