Kryetari i komunës së Prishtinës, Shpend Ahmeti, ka reaguar në Facebook për ridestinimin e fondeve të Bashkimit Evropian për sallën koncertale në Prishtinë.

Sipas tij Ministria e Integrimeve krye në vete i ka dërguar letër BE-së për ridestinimin e 15 milion eurove të fondit IPA 2019.

“Ministria e Integrimeve Evropiane ka dërguar letër në BE për të ridestinuar mjetet për Sallen Koncertale në Prishtinë. Kur kemi kontaktuar kryeministrinë, thonë se nuk janë në dijeni për veprimin e Ministres. Në BE thonë se për herë të parë letra është dërguar direkt në Bruksel e jo përmes zyrës së BE në Prishtinë. Meqenëse tani edhe e kemi marr letrën jozyrtarisht nga Brukseli, kjo nuk mund të jetë asgjë tjetër pos tentim bllokim për arsye politike. Zyra e BE na ka informuar se nuk do të heqin dorë edhe pse pas kërkesës sê qeverisë duhet të diskutohet salla në IPA fondet 2019”, ka shkruar Ahmeti.

Sipas tij kjo sallë do të bëhet këtë mandat.

Jashari: Donacioni 15 milionësh i BE-së është i destinuar për sallë koncertale, nuk guxojmë ta humbim (Video) Jashari: Donacioni 15 milionësh i BE-së është i destinuar për sallë koncertale, nuk guxojmë ta humbim (Video)

Ndryshe në emisionin “Përballje” në tetor të vitit të kaluar është diskutuar për ndërtimin e sallës koncertale në Prishtinë, si dhe për problemi me ndërtimin e kësaj salle, dhe për mundësinë e humbjes së donacionit Bashkimi Evropian prej 15.4 milionë euro për këtë sallë koncertale./Telegrafi/