Qëndroi dy orë në kulmin e spitalit ku e dërguan për ta bërë synet, vetëm një person arriti ta bindë që të zbriste

Vogëlushi pesëvjeçar, që e dërguan në një spital në Java të Indonezisë për ta bërë synet, është frikësuar aq shumë, sa që ka hipur në kulm dhe ka qëndruar dy orë.

Dr Anik Sutari është doktoresha që merret me syneti, që në 20 vite të përvojës së saj, nuk ka parë ndonjë reagim të tillë nga të vegjlit, transmeton Telegrafi.

“Të gjithë kanë frikë, por reagojnë në nivele të ndryshme, mirëpo ky ishte krejt ndryshe, sepse iku në kulm dhe rrezikonte shumë” ka thënë Sutari.

Nga frika se mund të rrëzohej duke ikur, familjarët e as stafi i spitalit, nuk guxonin t’i shkonin pranë, derisa njëri prej familjarëve pati një ide shumë të mirë.

Lidhja e afërt dhe e besueshme që ka vogëlushi me mësuesen, ka bërë që familjarët ta ftojnë mësimdhënësen që t’i fliste nxënësit të saj, për ta bindur që të zbriste poshtë. Në fakt, ajo ishte i vetmi person, që arriti ta bindë për të zbritur dhe jo vetëm.

Në momentin që zbriti, vogëlushi shkoi vet në klinikë, për t’ju nënshtruar procedurës për syneti, pa u detyruar nga askush dhe gjendja tij shëndetësore tani është shumë e mirë. /Telegrafi/