Homosapiens erdhi në Evropë 150 mijë vjet më parë se sa mendohej

Shkencëtarët kanë gjetur mostrën e homosapiens më të vjetër jashtë Afrikës, shkruan AFP, duke iu referuar një artikulli të botuar në revistën Nature.

Kafkat e gërmuara në Greqi janë 210 mijë vjeçare, që është koha kur neandertalët jetonin në Evropë.

Ky zbulim sensacional tregon se homosapiens ose njeriu modern ishin në Evropë dhe 150 mijë vjet më parë se sa mendohej.

Mostra më e hershme e specieve njerëzore është 300 mijë vjeç

Apidima 1, siç u pagëzua nga shkencëtarët, “është më i vjetër nga të gjithë homosapiens të tjera të gjetur jashtë Afrikës”, shpjegoi Catherine Harvati nga Universiteti Tuebingen në Gjermani, bashkautore e studimit.

“Apidima 1 dëshmon se përhapja e homosapiensit jashtë Afrikës jo vetëm që filloi më herët se sa menduam 200.000 vjet më parë, ajo tashmë është zgjeruar në Evropë”, shpjegon ajo.

Homosapiens u shfaq në Afrikë. Speciet më të hershme të njohura njerëzore janë rreth 300 mijë vjeç dhe janë gjetur në Marok.

Është menduar prej kohësh se homosapiens filloi të linte djepin e tyre në një valë të madhe rreth 70 mijë vjet më parë. /kp/Telegrafi/