Patenta e IBM zbulon orën që transformohet në telefon dhe tablet (FOTO)

Patenta e fundit e IBM zbulon një pajisje elektronike me një ekran fleksibël, por jo çfarëdo. Kjo pajisje është raportuar të ketë një ekran multifunksional që do të mundësojë që ta përdorni atë edhe si një telefon dhe një tablet kompjuterik.

Patenta është për një “për një pajisje elektronike me madhësi të ndryshueshme të ekranit” dhe në formën më kompakte, duket si çdo orë tjetër ‘smart’.

Ekzistojnë shtatë panele ndihmëse të ekranit të ruajtura nën ekranin kryesor, të gjitha që mund të nxirren jashtë në mënyrë të pavarur.

Për të përdorur ekranet e tjera, thjesht rrëshqisni ato. Kur katër ekranet dalin jashtë, pajisja automatikisht kalon në modalitetin e telefonit, që do të thotë një ndërfaqe e re e përdoruesit me ikona dhe imazhe më të mëdha. 

Nëse keni nevojë për ekran edhe më të madh, atëherë vetëm rrëshqisni katër pjesët e tjera për të aktivizuar modalitetin e tabletit.

Sipas patentës, secili prej ekraneve mat  madhësinë prej 2 × 3 inç. Në modalitetin e telefonit kjo do të barazohet me një imazh 4 × 6-inç, dhe në modalitetin tablet, një ekran 8 × 6-inç. 

Karakteristika të tjera përfshijnë: altoparlantë të shumtë dhe lidhje Bluetooth, nëse doni të lidhni një tastierë. /Telegrafi/