I akuzuari Arton Përvetica, në seancën fillestare të së premtes, e ka pranuar fajësinë se në shtator të vitit 2012, kishte vjedhur një laptop dhe disa stoli ari e argjendi, në një shtëpi në Prishtinë.
Pas leximit të aktakuzës nga prokurorja Jehona Grantolli, i akuzuari tha se ndihet fajtor për vjedhjen e kryer.
“Edhe pse është një kohë e gjatë, pe pranoj se jam kon problematik, e pranoj fajësinë. Ndjej keqardhje, kam mbajt burg shumë, jam prish, kam familje, që ka mundësi një dënim më të butë ndaj meje”, tha i akuzuari Përvetica, raporton betimiperdrejtesi.
Një deklarim të tillë e ka përkrahur edhe avokati i tij, Mentor Neziri, i cili deklaroi se pranimi i fajësisë nga i mbrojturi i tij ka ardhur pas konsultimeve paraprake mes tyre, duke kuptuar pasojat dhe benefitet e këtij veprimi.
Avokati Neziri ka kërkuar nga gjykata që të mbrojturit të tij t’i caktohet një dënim më i butë, duke marrë parasysh faktin se vepra është kryer para shtatë viteve, dëmi material nuk është i lartë si dhe faktin se klienti i tij, është në gjendje të rëndë shëndetësore.
“Para se gjykata të merr vendim mbi llojin dhe lartësinë e dënimit, ajo duhet të merr për bazë pranimin vullnetar të fajësisë, premtimin se ai nuk do të kryej vepra të tjera penale, se i njejti është penduar dhe shpreh keqardhje për veprën penale të kryer si dhe faktin se kjo vepër penale është kryer që 7 vite dhe dëmi material nuk është i lartë”, tha avokati Neziri.
Ky pranim fajësie, nuk u kundërshtua as nga prokurorja Jehona Grantolli dhe si i tillë u aprovua nga gjykatësi Alban Ajvazi, me arsyetimin se është bërë në mënyrë vullnetare nga i akuzuari, pas konsultimeve me mbrojtësi dhe se pranimi gjen mbështetje në provat që janë pjesë e shkresave të lëndës.
Në fund, prokurorja Grantolli ka kërkuar nga gjykata që të akuzuarin Përvetica ta shpall fajtor dhe që me rastin e vendosjes për dënimin, të merr parasysh rrethanat lehtësuese dhe rënduese sipas ligjit.
Shpallja e aktgjykimit në këtë çështje penale do të bëhet më 9 korrik, nga ora 8:40.
Prokuroria Themelore në Prishtinë më 28 korrik 2015, ka ngritur aktakuzë ndaj Arton Përveticës për shkak të veprës penale “Vjedhja e rëndë”, nga 253 par.1 pika 1 të KPK-së.
Sipas prokurorisë, më 14 shtator 2012, në Prishtinë, në lagjen “Arbëria”, me qëllim që me përvetësimin e sendeve të huaja të luajtshme vetit t’i sjell përfitim pasuror në mënyrë kundërligjshme, ka depërtuar në banesën e të dëmtuarit Korab Hoxha, në atë mënyrë që fillimisht me një mjet të fortë dhe të përshtatshëm ka dëmtuar cilindrin e derës së hyrjes së banesës, e pastaj ka hyrë brenda dhe pasi ka demoluar tërë banesën nga aty ka arritur që të merr një laptop, në vlerë prej 950 euro, stoli në vlerë prej 160 euro dhe disa stoli argjendi, me ç’rast të dëmtuarit i ka shkaktuar dëm material.
Lufta Prigozhin - Putin
Më shumëNga Rubrika
Pendarovski dhe Siljanovska vazhdojnë fushatën, kërkojnë mbështetje në rrethin e dytë të zgjedhjeve presidenciale
Gjykata Speciale, përfundon dëshmia e dëshmitarit të 60-të, gjykimi në ndaj Thaçit dhe të tjerëve rinis më 6 maj
Kosova pranë anëtarësimit në KiE, Bakoyannis: Asnjë kandidati nuk i janë kërkuar kaq shumë reforma
Hyn në fuqi marrëveshja, Shqipëria dhe Kosova heqin kontrollet në kufij për nëntë muaj
Hapet segmenti tre kilometra që lidhet me Urën e Kukësit, ura hapet plotësisht brenda qershorit
Kurti takon tri nënkryetaret serbe, konsultohet për lirinë e asocimit të komunave në veri
Cameron flet për vizitën e tij në Kosovë, tregon se çfarë i tha sekretarit të NATO-s lidhur me KFOR-in
SBAShK i kërkon Qeverisë dialog dhe rritje të pagave për së paku 30% – paralajmëron veprime tjera sindikale
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës